म्हाडाची आज होणारी परीक्षा पुढे ढकलली; रात्री उशिरा निर्णय घेतल्याने परीक्षार्थींचा संताप अनावर

मंत्री जितेंद्र आव्हाड (Jitendra Awhad) यांनी याबद्दल माहिती देणारा एक व्हिडिओ शेअर केला आहे. यात त्यांनी सांगितलं की, म्हाडाची पूर्ण आठवड्यात होणारी परीक्षा पुढे ढकलण्यात आली आहे (Mhada Exam Updates). आज ही परीक्षा होणार नाही. काही अपरिहार्य कारणामुळे आणि तांत्रिक अडचणींमुळे हा निर्णय घेण्यात आला आहे.

    मुंबई : महाराष्ट्र गृहनिर्माण व क्षेत्रविकास प्राधिकरण विभागाकडून (Mhada exam 2021 Postponed) भरतीसाठी आज (१२ डिसेंबर) परीक्षा आयोजित करण्यात आली होती. मात्र, आता आजपासून सुरू होणारी ही परीक्षा पुढे ढकलण्यात आली आहे. शनिवारी रात्री उशिरा गृहनिर्माण मंत्री जितेंद्र आव्हाड (Jitendra Awhad) यांनी याबद्दलची माहिती दिली आहे. काही अपरिहार्य कारणामुळे परीक्षा पुढे ढकलण्याचा निर्णय घेतल्याची माहिती त्यांनी दिली आहे.

    मंत्री जितेंद्र आव्हाड (Jitendra Awhad) यांनी याबद्दल माहिती देणारा एक व्हिडिओ शेअर केला आहे. यात त्यांनी सांगितलं की, म्हाडाची पूर्ण आठवड्यात होणारी परीक्षा पुढे ढकलण्यात आली आहे (Mhada Exam Updates). आज ही परीक्षा होणार नाही. काही अपरिहार्य कारणामुळे आणि तांत्रिक अडचणींमुळे हा निर्णय घेण्यात आला आहे. आता ही परीक्षा थेट जानेवारी २०२२ मध्ये घेतली जाईल असंही त्यांनी सांगितलं (Mhada Exam New Date).

    जितेंद्र आव्हाड यांनी यासाठी विद्यार्थ्यांची माफीही मागितली आहे. आज होणारी परीक्षा रद्द झाल्याने विद्यार्थ्यांनी परीक्षा केंद्रावर जाऊ नये, अशी विनंतीही त्यांनी केली आहे.

    हे सुद्धा वाचा

    रात्री उशिरा जाहीर केल्याने परीक्षार्थींचा संताप अनावर

    विद्यार्थ्यांना झालेल्या त्रासासाठी माफी मागत विद्यार्थ्यांनी सकाळी केंद्रावर जाण्यासाठी स्वतःला त्रास करून घेऊ नये, यासाठी आपण एवढ्या रात्री हा व्हिडिओ शेअर करत असल्याचंही आव्हाडांनी व्हिडिओच्या शेवटी सांगितलं आहे. दरम्यान म्हाडाची परीक्षा आता जानेवारी महिन्यात घेतली जाणार आहे.

    हे सुद्धा वाचा

    कालच परीक्षेसाठी परीक्षा केंद्रावर जाण्यासाठी रवाना झालेल्या विद्यार्थ्यांनी याबाबत आपला संताप व्यक्त केला आहे. किमान काही दिवस आधी ही माहिती दिली असती तर येण्या-जाण्याचा प्रवास खर्च आणि हेलपाटा तरी वाचला असता अशी संतप्त प्रतिक्रिया परीक्षार्थींकडून व्यक्त करण्यात येत आहे.