पोलीस अधिकाऱ्याने तीन चाकांवर गाडी चालवत दुाचाकीस्वाराला उडवलं, अधिकाऱ्यावर Hit and Run चा गुन्हा दाखल

या अपघाताची दखल वाणगाव पोलीस ठाण्यानं घेतली असुन सहाय्यक पोलीस निरीक्षक असलेल्या सुहास खारमाटे यांच्या विरोधात वाणगाव पोलीस ठाण्यात गुन्हा दाखल करण्यात आला आहे. तर, सदरचे पोलीस अधिकारी नशेत गाडी चालवत असल्याचं बोललं जात आहे. तर त्यांनी तीन चाकांवर गाडी चालवली असल्याचं डीव्हायएसपी यांनी सांगितलं.

    पालघर जिल्ह्यात हिट अँड रनची घटना घडली आहे. डहाणू येथे भरधाव वेगात असलेल्या वाहनाने पादचाऱ्यांना उडवले. गाडीचा ड्रायव्हर दुसरा कोणी नसून कायद्याचा रक्षक, म्हणजेच पोलीस अधिकारी आहे. दुचाकीवरुन चिंचणीहून डहाणूकडे जाणाऱ्या जोडप्याला पोलीस अधिकाऱ्याने धडक दिली. घटनेनंतर पोलीस अधिकारी फरार झाल्याची माहिती पोलीस उपअधीक्षकांनी दिली आहे. अपघातातील वाहन हे सहाय्यक पोलीस निरीक्षक सुहास खरमाटे यांच्या नावावर असल्याची माहिती आहे.

    एबीपी माझानं या संदर्भात वृत्त दिलं आहे. या हिट एन्ड रन प्रकरणी डहाणू पोलीस ठाण्याच्या सहाय्यक पोलीस निरीक्षक सुहास खारमाटे यांच्या विरोधात वाणगाव पोलीस ठाण्यात गुन्हा दाखल केला आहे. सुहास खारमाटेंनी भरधाव गाडी चालवून अपघात केला. तारापूर ते डहाणू पोलीस ठाण्यापर्यंत त्यांनी भरधाव गाडी चालवली. यावेळी त्यांनी काही लोकांना जखमी केल्याचंही समजतंय. अपघातात जखमींपैकी एकाची प्रकृती चिंताजनक आहे. त्या व्यक्तीला नानावटी रुग्णालयात उपचारासाठी हलवण्यात आलं आहे.

    या गाडीने एका बाईकस्वाराला जोरदार धडक दिल्यानंतर चक्क तीन चाकांवर कार जवळपास 18 किलोमीटर पर्यंत भरधाव चालवत डहाणू पोलीस ठाण्याच्या आवारात पार्क केली. यानंतर कार चालक भिंतीवरून पळून गेल्याचे सांगितले जात आहे. ही कार डहाणू पोलीस ठाण्याचे सहाय्यक पोलीस निरीक्षक सुहास खारमाटे यांच्या नावावर आहे. या कार मध्ये पोलीस हॅट कॅप सुद्धा आढळून आली आहे.

    या अपघाताची दखल वाणगाव पोलीस ठाण्यानं घेतली आहे. सहाय्यक पोलीस निरीक्षक असलेल्या सुहास खारमाटे यांच्या विरोधात वाणगाव पोलीस ठाण्यात गुन्हा दाखल करण्यात आला आहे. तर, सदरचे पोलीस अधिकारी नशेत गाडी चालवत असल्याचं बोललं जात आहे. तर त्यांनी तीन चाकांवर गाडी चालवली असल्याचं डीव्हायएसपी यांनी सांगितलं.