Puneखडकी आता खेळाची पंढरी म्हणून ओळखली जाणार : सिध्दार्थ शिरोळे

खडकी शिक्षण संस्थेने या खेळाडूंना नेहमीच पाठबळ दिले आहे. त्यामुळे आमचे विद्यार्थी आंतरराष्ट्रीय पातळीपर्यंत पोहचले आहेत.

पुणे : टिकाराम जगन्नाथ महाविद्यालय हे मुळातच क्रिडा क्षेत्रात अग्रेसर आहे. हॅाकीची मोठी परंपरा या महाविद्यालयाला आहे. आंतरराष्ट्रीय खेळाडू याच महाविद्यालयातून तयार झाले आहेत. आता हॅाकीसोबतच विविध खेळांमध्ये हे महाविद्यालय आपली ओळख निर्माण करत आहे. त्यामुळे खडकी आता खेळाची पंढरी म्हणून ओळखली जाणार असे आमदार सिध्दार्थ शिरोळे यांनी सांगितले.

खडकी येथील टिकाराम जगन्नाथ महाविद्यालयात आयोजित रायफल शुटींग स्पर्धेच्या उद्घाटनप्रसंगी ते बोलत होते. यावेळी खडकी शिक्षण संस्थेचे अध्यक्ष कृष्णकुमार गोयल म्हणाले की, महाविद्यालयीन जीवनात अभ्यासाबरोबरच विद्यार्थ्यांच्या शारिरीक विकासासाठी अंग मेहनतीची आवश्यकता असते. म्हणूनच महाविद्यालयीन काळात विद्यार्थी क्रिडा क्षेत्रात सहभागी होतो. खडकी शिक्षण संस्थेने या खेळाडूंना नेहमीच पाठबळ दिले आहे. त्यामुळे आमचे विद्यार्थी आंतरराष्ट्रीय पातळीपर्यंत पोहचले आहेत. भारताच्या हॅाकी संघाचे नेतृत्व आमच्या महाविद्यालयाच्या विद्यार्थ्यांनी केले आहे. याचा आम्हाला सार्थ अभिमान आहे.

यावेळी विद्यापीठाच्या व्यवस्थापन परिषदेचे सदस्य रवींद्र शिंगणापूरकर, बागेश्री मंठाळकर, डॉ. नितीन घोरपडे, डॉ. धोंडीराम पवार, खडकी कॅन्टोन्मेंटचे उपाध्यक्ष दुर्योधन भापकर, विद्यापीठाचे अधिसभा सदस्य प्रसेनजीत फडणवीस, राहुल पाखरे, खडकी शिक्षण संस्थेचे सचिव आनंद छाजेड, संस्थेचे संचालक, राजेंद्र भुतडा, अनिल मेहता, कमलेश पंगुडवाले,धीरज गुप्ता, सुधीर फेंगसे, ज्ञानेश्वर मुरकुटे, मोहनलाल जैन, काशिनाथ देवधर, रमेश अवस्थी, प्राचार्य संजय चाकणे, प्राध्यापक व विद्यार्थी उपस्थित होते.