ब्रेकफेल ट्रकने बसला मागून धडक दिल्याने बस रस्त्यावर पलटली असून या अपघातात दोन जण मृत्यू तर ३० हुन अधिक प्रवासी जखमी
धुळे : मुंबई आग्रा राष्ट्रीय महामार्ग क्रमांक तीनवरील बिजासण घाटामध्ये मध्यप्रदेश परिवहन मंडळाच्या बसचा भीषण अपघात झाल्याची धक्कादायक घटना समोर आली आहे. हा अपघात आज रोजी सकाळी १०:१३ वाजेच्या सुमारास घडली. ब्रेकफेल ट्रकने बसला मागून धडक दिल्याने बस रस्त्यावर पलटली असून या अपघातात दोन जण मृत्यू तर ३० हुन अधिक प्रवासी जखमी झाले आहेत.
या अपघाताच्या संदर्भात मिळालेल्या प्राथमिक माहिती नुसार मध्यप्रदेश महाराष्ट्र सिमेवरील मुंबई आग्रा राष्ट्रीय महामार्ग क्रमांक तीनवरील बिजासण घाटात मध्यप्रदेश परिवहन विभागाची इंदौर नाशिक बस शेंधवाहून शिरपूरच्या दिशेने जात असतांना मागून येणाऱ्या भरधाव ट्रकचा ब्रक फेल झाल्याने भरधाव ट्रकने बसला मागून धडक दिली. अपघाताची माहिती प्राप्त होताच घटनास्थळी बिजासण पोलीस प्रशासन घटनास्थळी दाखल झाले.
उपस्थित नागरिकांच्या मदतीने मदतकार्य करण्यात आले. यावेळी जखमींना शेंधवा ग्रामीण रुग्णालयात दाखल करण्यात आले आहे. अपघातात दोन जणांचा मृत्यू तर बस मधील ३० हून अधिक प्रवासी जखमी झाले आहेत. अपघातानंतर काही काळ वाहतूक थप्प झाली होती.
Loading ...