मुंबई बँक घोटाळा प्रकरणी प्रवीण दरेकरांना उच्च न्यायालयाचा दिलासा, अटकपूर्व जामीन मंजूर

मुंबई बँक घोटाळ्याप्रकरणी (Bank Scam) प्रवीण दरेकर यांना अटकपूर्व जामीन मंजूर करण्यात आला आहे. या आधी सत्र न्यायालयाने दरेकर यांचा अटकपूर्व जामीन फेटाळला होता. त्यामुळे त्यांनी उच्च न्यायालयात धाव घेतली होती.

    मुंबई: भाजपचे नेते आणि विधान परिषदेचे विरोधी पक्षनेते प्रवीण दरेकरांना (Pravin Darekar) मुंबई उच्च न्यायालयाने (Mumbai High Court) दिलासा दिला आहे. मुंबई बँक घोटाळ्याप्रकरणी (Bank Scam) प्रवीण दरेकर यांना अटकपूर्व जामीन मंजूर करण्यात आला आहे. या आधी सत्र न्यायालयाने दरेकर यांचा अटकपूर्व जामीन फेटाळला होता. त्यामुळे त्यांनी उच्च न्यायालयात धाव घेतली होती.

    मुंबई बँकेच्या मजूर प्रवर्गातून निवडणूक लढवून कोट्यवधीचा घोटाळा केल्याचा आरोप प्रवीण दरेकर यांच्यावर आहे. आम आदमी पक्षाचे धनंजय शिंदे यांच्या तक्रारीवरून पोलिसांनी दरेकर यांच्यावर गुन्हा नोंदविला आहे. याच प्रकरणात दरेकर यांना नोटीस बजावत, त्यांची तीन ते साडेतीन तास चौकशी करण्यात आली होती. या दरम्यान पोलीस ठाण्याबाहेर भाजप कार्यकर्ते आक्रमक झाले होते.

    यानंतर तीन ते साडेतीन तासांच्या चौकशीनंतर ते बाहेर पडले. त्यांचा जबाब नोंदवून पोलीस अधिक तपास करत आहे. या दरम्यान, त्यांच्याकडे काही कागदपत्रांची मागणीही करण्यात आली आहे, तसेच मजूर असल्याचे पुरावेही मागण्यात आल्याचे समजते. यापूर्वीही पोलिसांनी काही कागदपत्रे ताब्यात घेतली होती.