मुंबईकरांनो पाणी जपून वापरा, १८ व १९ मे रोजी ‘या’ भागांमध्ये पाणीपुरवठा राहणार बंद

मुंबईत १८ व १९ मे रोजी मुंबईतील पूर्व उपनगरांमध्ये काही भागात पाणीपुरवठा बंद राहणार आहे. त्यामुळे मुंबईकरांना पाणी जपून वापरावे लागणार आहे. महापालिकेच्या एन विभागातील सोमैया नाल्याखालून महानगरपालिका वसाहत, विद्याविहार या ठिकाणी सूक्ष्मबोगदा (मायक्रोटनेलिंग) पद्धतीने जलवाहिन्या वळविण्याचे Phase-I चे काम करण्यात येणार आहे. या कामासाठी बुधवार १८ आणि गुरूवार १९ मे रोजी पाणी पुरवठा बंद ठेवण्यात येणार आहे. काही ठिकाणी कमी दाबाने पाणी पुरवठा होणार आहे. त्यामुळं पाणी जपून वापरण्याचं आवाहन पालिकेतर्फे करण्यात आलं आहे.

    मुंबई : ऐन उन्हाळ्यात मुंबईत १८ व १९ मे रोजी मुंबईतील पूर्व उपनगरांमध्ये काही भागात पाणीपुरवठा बंद राहणार आहे. त्यामुळे मुंबईकरांना पाणी जपून वापरावे लागणार आहे. महापालिकेच्या एन विभागातील सोमैया नाल्याखालून महानगरपालिका वसाहत, विद्याविहार या ठिकाणी सूक्ष्मबोगदा (मायक्रोटनेलिंग) पद्धतीने जलवाहिन्या वळविण्याचे Phase-I चे काम करण्यात येणार आहे. या कामासाठी बुधवार १८ आणि गुरूवार १९ मे रोजी पाणी पुरवठा बंद ठेवण्यात येणार आहे. काही ठिकाणी कमी दाबाने पाणी पुरवठा होणार आहे. त्यामुळं पाणी जपून वापरण्याचं आवाहन पालिकेतर्फे करण्यात आलं आहे.

    शहर दक्षिण – परळ, लालबाग, डॉ. बाबासाहेब आंबेडकर मार्ग, डॉ. एस. एस. राव मार्ग, दत्ताराम लाड मार्ग, जिजीभॉय गल्ली, महादेव पालव मार्ग, साने गुरुजी मार्ग, गॅस कंपनी गल्ली – (पहाटे ४.०० ते सकाळी ७.०० ही नियमित पाणीपुरवठ्याची वेळ. मात्र, कामादरम्यान पाणीपुरवठा कमी दाबाने होईल). जलवाहिन्याच्या दुरुस्तीसाठी तसेच सूक्ष्मबोगदा (मायक्रोटनेलिंग) पद्धतीने जलवाहिन्या वळविण्याच्या कामासाठी महापालिकेच्या एल पूर्व विभाग, एन विभाग, एम पश्चिम विभाग, एफ उत्तर विभाग, एफ उत्तर विभाग, एफ दक्षिण विभाग या विभागांमध्ये पाणी पुरवठा बंद आणि कमी दाबाने करण्यात येणार आहे. एल पूर्व विभाग: राहूल नगर, एडवर्ड नगर, पानबजार, व्ही. एन. पूरव मार्ग, नेहरु नगरच्या दोन्ही बाजू, जागृती नगर, शिवसृष्टी नगर, एस. जी. बर्वे मार्ग, कसाईवाडा पंपिंग, हिल मार्ग, चाफे गल्ली, चुनाभट्टी पंपिंग स्वदेशी मिल मार्ग (पहाटे ५.३० ते सकाळी ८.३० व रात्री ९.०० ते मध्यरात्री ३.०० ही नियमित पाणीपुरवठ्याची वेळ. मात्र, कामादरम्यान पाणीपुरवठा पूर्णपणे बंद राहील).

    एन विभाग: राजावाडीचे सर्व क्षेत्र, (एम. जी. मार्गाची पश्चिम बाजू), चित्तरंजन नगर, वसाहत, आंबेडकर नगर, निळकंठ व्हेली, राजावाडी रुग्णालय परिसर, विद्याविहार स्थानक, पूर्व बाजूचा रस्ता, ओ. एन. जी. सी. वसाहत मोहन नगर, कुर्ला टर्मिनल मार्ग, ओघड भाई रस्ता, आनंदी रस्ता रामजी, आशर रस्ता – (मध्यरात्री ३.०० ते सकाळी ९.३० ही नियमित पाणीपुरवठ्याची वेळ. मात्र, कामादरम्यान पाणीपुरवठा पूर्णपणे बंद राहील).

    एफ उत्तर विभाग: वडाला ट्रक टर्मिनल, न्यु कफ परेड, प्रतिक्षा नगर, पंचशिल नगर, शीव पूर्व आणि पश्चिम (बुस्टींग), सायन कोळीवाडा, संजय गांधी नगर, के. डी. गायकवाड नगर, सरदार नगर, इंदिरा नगर, वडाला मोनोरेल डेपो – (पहाटे ४.०० ते सकाळी ९.३० ही नियमित पाणीपुरवठ्याची वेळ. मात्र, कामादरम्यान पाणीपुरवठा पूर्णपणे बंद राहील).

    एफ दक्षिण विभाग: शहर उत्तर – दादर डॉ. बाबासाहेब आंबेडकर मार्ग, जगन्नाथ भातनकर मार्ग, बी. जे. देवरुककर मार्ग, गोविंदजी केणे मार्ग, हिंदमाता – (सकाळी ७.०० ते १०.०० ही नियमित पाणीपुरवठ्याची वेळ. मात्र, कामादरम्यान पाणीपुरवठा कमी दाबाने होईल).

    एम पश्चिम विभाग: टिळक नगर सर्व क्षेत्र, ठक्कर बाप्पा वसाहत, वत्सलाताई नगर, सहकार नगर, आदर्श नगर, राजा मिलिंद नगर, राजीव गांधी नगर, गोदरेज आवार, कुटीरमंडल, सम्राट अशोक नगर, बीट नंबर १४९ व १५१ – (पहाटे ५.०० ते सकाळी ९.३० ही नियमित पाणीपुरवठ्याची वेळ. मात्र, कामादरम्यान पाणीपुरवठा पूर्णपणे बंद राहील).