मुंबई पोलीस आयुक्तांचा ताण कमी करण्यासाठी तसेच मुंबईतील वाढती लोकसंख्या त्याचसोबत वाढणारी गुन्हेगारी, वाढत्या राजकीय घडामोडी, मोर्चे, आंदोलने, मेळावे, व्हीआयपी मूव्हमेंट, महिलांची सुरक्षा, इन्फ्रास्ट्रक्चर सोबत मुंबईतील वाढती वाहनांची गर्दी हे सर्व पाहता मुंबईला विशेष पोलीस आयुक्तची नेमणूक करण्यात येणार असल्याचे एकीकडे बोलले जात आहे.
मुंबई- मुंबईला लवकरच विशेष पोलीस आयुक्त मिळण्याची शक्यता आहे. या पदावर देवेनन भारती यांच्या नावाची वर्णी लागण्याची शक्यात आहे. हे पद निर्माण करण्यात येणार असल्याची चर्चा मागील दिड-दोन महिन्याभरापासून पोलीस दलात सुरू आहे. मुंबईला विशेष पोलीस आयुक्त हे पद निर्माण करण्यासाठी सरकारला का गरज वाटत असावी, दरम्यान, राज्य शासनाकडून आणि गृह खात्याकडून लवकरच विशेष पोलीस आयुक्तपदाचे आदेश काढण्यात येणार असल्याची माहिती समोर आली आहे. मुंबई पोलीस आयुक्त असताना या नवीन पदाची निर्मिती करून मुंबई पोलीस आयुक्तांचा भार कमी करण्यासाठी हे पद निर्माण केले जात आहे का? अशी चर्चा मुंबई पोलीस दलातील वरिष्ठ पोलीस अधिकारी यांच्यात सुरू आहे.
दरम्यान, या पदावर अधिका-यांची नेमणूक करण्यासाठी अनेक ज्येष्ठ आयपीएस अधिकारी यांचे नाव चर्चेत आले आहे. या ज्येष्ठ अधिकाऱ्यांपैकी देवेन भारती यांच्या नावाची जोरदार चर्चा मुंबई पोलीस दलात सुरू आहे. तसेच या नवीन पदासाठी त्यांच्या नावाची वर्णी लागण्याची दाट शक्यता वर्तविण्यात येत आहे. शासनाकडून लवकरच विशेष पोलीस आयुक्तपदाचे आदेश काढण्यात येणार असल्याचे समजते. परंतु मुंबई पोलीस दलात या नव्या पदाची काय आवश्यकता भासली असावी, दरम्यान, उपमुख्यमंत्री व गृहमंत्री देवेंद्र फडणवीस यांच्या पुढाकाराने हे पद निर्माण केले जाणार असल्याचं बोललं जात आहे.
या ‘कारणासाठी’ या पदाची निर्मिती?
मुंबई पोलीस आयुक्तांचा ताण कमी करण्यासाठी तसेच मुंबईतील वाढती लोकसंख्या त्याचसोबत वाढणारी गुन्हेगारी, वाढत्या राजकीय घडामोडी, मोर्चे, आंदोलने, मेळावे, व्हीआयपी मूव्हमेंट, महिलांची सुरक्षा, इन्फ्रास्ट्रक्चर सोबत मुंबईतील वाढती वाहनांची गर्दी हे सर्व पाहता मुंबईला विशेष पोलीस आयुक्तची नेमणूक करण्यात येणार असल्याचे एकीकडे बोलले जात आहे. मुंबई पोलीस दलात पोलीस आयुक्त या पदाव्यतिरिक्त मुंबईत ५ सहपोलीस आयुक्त आहेत. प्रशासन, गुन्हे, कायदा व सुव्यवस्था, आर्थिक गुन्हे शाखा आणि वाहतूक विभाग या पाच जागांवर सहपोलिस आयुक्त दर्जाचे अधिकारी असून त्यांच्यावर पोलीस आयुक्त हे पद आहेत. या पदासाठी देवेन भारती यांच्या नावाला पसंती सरकारकडून देण्यात येत आहे. मविआ सरकारच्या काळात भारती यांना राज्यात कुठलीही महत्वाची जवाबदारी देण्यात आलेली नव्हती, मात्र या सरकारच्या काळात मात्र त्यांना मुंबईचे विशेष पोलीस आयुक्त पदाची जवाबदारी देण्याच्या हालचाली सुरु आहे.
कोण आहेत देवेन भारती?
देवेन भारती हे १९९४च्या बॅचचे आयपीएस अधिकारी आहेत. देवेन भारती यांची ‘डॅशिंग’ अधिकारी अशी ओळख आहे. एप्रिल २०१५ मध्ये त्यांची मुंबईच्या सहपोलीस आयुक्तपदी (कायदा आणि सुव्यवस्था) नियुक्ती करण्यात आली होती. या पदावर सर्वाधिक काळ सेवा बजावण्याची संधी भारती यांना मिळाली. यादरम्यान भारती यांनी अनेक ‘हाय-प्रोफाइल’ प्रकरणांचा तपास केला. त्यात मुंबईवरील २६/११चा दहशतवादी हल्ला तसेच पत्रकार जे डे हत्या या प्रमुख घटनांचा समावेश आहे. इंडियन मुजाहिदीन या दहशतवादी संघटनेची महाराष्ट्रातील पाळेमुळे खणून काढण्यातही भारती यांचा मोठा वाटा आहे.
Loading ...