मृत वसंत यांच्या देहाचे मुरूड ग्रामीण रुग्णालयात शवविच्छेदन करण्यात आले. वसंत कासारे विवाहित आहेत.
मुरुड जंजिरा : मुरूड जवळील मोरा गावच्या समुद्रात बुधवारी दिनांक २० सप्टेंबर रोजी सकाळी मासेमारी नौका आकस्मिकपणे उलटून पाण्यात पडलेल्या वसंत धर्मा कासारे वय-३७ यांचा मृत्यू झाला आहे. त्यांचे समवेत त्यांचे भाऊ सुभाष कासारे आणि सुरेश कासारे यांनी पोहत किनारा गाठल्याने बचावले आहेत.
मुरूड पोलिसांनी दिलेल्या माहितीनुसार बुधवारी सकाळी आठ वाजता वसंत कासारे, सुभाष कासारे आणि सुरेश कासारे हे तिघे सख्ये भाऊ फायबरची नौका घेऊन मोरा या भागातील समुद्रात मासेमारी करण्यासाठी गेले होते. सकाळी पावसाबरोबरच वारा सुद्धा जोरात वाहू लागला होता. जोरदार वाऱ्यामुळे खोल पाण्यात गेल्यावर उसळत्या लाटांमुळे सदर नौका उलटून हे तिघे पाण्यात पडले. त्यांपैकी सुरेश आणि सुभाष यांनी पोहुन किनारा गाठला. आपला छोटा भाऊ वसंत याला देखील वाचविण्यासाठी त्यांनी शर्तीचे प्रयत्न केले होते.
परंतु हे त्यांचे प्रयत्न अयशस्वी ठरले. वसंत यांच्या नाका तोंडात पाणी शिरल्याने ते गुदमरले आणि त्यांचा मृत्यू झाला. हे तिघेही मोरा गावचे रहिवासी आहेत. मृत वसंत यांच्या देहाचे मुरूड ग्रामीण रुग्णालयात शवविच्छेदन करण्यात आले. वसंत कासारे विवाहित आहेत. गणेशोत्सवात अशी दुर्दैवी घटना घडल्याने ग्रामस्थांनी हळहळ व्यक्त केली. पोलीस निरीक्षक निशा जाधव यांचे मार्गदर्शनाखाली पोलीस हवालदार जी ए धुमाळ पुढील तपास करीत आहेत.
Loading ...