राष्ट्रवादी काँग्रेसचे प्रदेशाध्यक्ष जयंत पाटील यांची आज ‘ईडी’ चौकशी; चौकशीला जाण्यापूर्वी केलं मोठं विधान, म्हणाले…

राष्ट्रवादी काँग्रेसचे प्रदेशाध्यक्ष जयंत पाटील (Jayant Patil) यांची आज मुंबईतील ईडी कार्यालयात आयएल अँड एफएस प्रकरणी चौकशी केली जाणार आहे. त्यासाठी ते ईडी कार्यालयात जाण्यासाठी रवाना झाले आहेत. तत्पूर्वी माध्यमांनी त्यांच्याशी संवाद साधला.

    मुंबई : राष्ट्रवादी काँग्रेसचे प्रदेशाध्यक्ष जयंत पाटील (Jayant Patil) यांची आज मुंबईतील ईडी कार्यालयात (ED Enquiry) आयएल अँड एफएस प्रकरणी चौकशी केली जाणार आहे. त्यासाठी ते ईडी कार्यालयात जाण्यासाठी रवाना झाले आहेत. तत्पूर्वी माध्यमांनी त्यांच्याशी संवाद साधला. यामध्ये त्यांनी मोठं विधान केलंय. ‘विरोधी पक्षात असल्याने काही गोष्टी सोसाव्या लागणारच. त्याला तोंड द्यावं लागणार आहे. मात्र, माझा याप्रकरणाशी काहीही संबंध नाही. मी कायदा पाळणारा आहे’, असे पाटील म्हणाले.

    जयंत पाटील यांना आयएल आणि एफएलएस प्रकरणी उपस्थित राहण्याचे आदेश देण्यात आले आहेत. आयएल आणि एफएलएसच्या माध्यमातून अनेकांनी आर्थिक गैरव्यवहार केला गेला असल्याचा आरोप आहे. जयंत पाटील यांना सोमवारी हजर राहण्याचं समन्स देण्यात आलं आहे. त्यानुसार आज ते ईडी कार्यालयात जाण्यासाठी रवाना झाले आहेत. त्यापूर्वी माध्यमांनी संवाद साधला. त्यामध्ये ते म्हणाले, ‘कायद्याने प्रश्न विचारले की मी त्याला उत्तर देणार आहे. मी कायदा पाळणारा आहे. विरोधी पक्षात असल्याने काही गोष्टी सोसाव्या लागणारच. त्याला तोंड द्यावं लागणार आहे. माझा याप्रकरणाशी काहीही संबंध नाही’.

    दरम्यान, या पार्श्वभूमीवर राष्ट्रवादी काँग्रेसच्या कार्यकर्त्यांनी आक्रमक भूमिका घेतली आहे. त्यांना आवाहन करताना पाटील म्हणाले, कार्यकर्त्यांनी मुंबईला येऊ नये. मी चौकशीला पूर्ण सहकार्य करणार आहे. काही लोकांना टोलनाक्यावर रोखण्यात आले. पण त्यांनी मुंबईला येऊ नये. सर्वांनी शांतता राखावी, असे मी आवाहन करतो.