कोल्हापुरातून मुंबईला जाण्यासाठी घटस्थापनेपासून रोज विमानसेवा सुरु झाली. स्टार एअर कंपनीकडून (Star Air Company) ही सेवा सुरु करण्यात आली आहे. यामुळे नेहमी मुंबईला जाणाऱ्या प्रवाशांना या सेवेचा मोठा लाभ होणार आहे. दरम्यान, खासदार धनंजय महाडिक यांच्या पाठपुराव्याला यश मिळाले आहे.
मुंबई : कोल्हापुरातून मुंबईला जाण्यासाठी घटस्थापनेपासून रोज विमानसेवा सुरु झाली. स्टार एअर कंपनीकडून (Star Air Company) ही सेवा सुरु करण्यात आली आहे. यामुळे नेहमी मुंबईला जाणाऱ्या प्रवाशांना या सेवेचा मोठा लाभ होणार आहे. दरम्यान, खासदार धनंजय महाडिक यांच्या पाठपुराव्याला यश मिळाले आहे.
कोल्हापुरातून या आधी कोल्हापूर-मुंबई विमानसेवा ही आठवड्यात मंगळवार, बुधवार, गुरुवार व शनिवार हे चार दिवस सुरु होती. मात्र, कोल्हापूर व परिसरातून सध्या कामानिमित्त मुंबईला जाणाऱ्यांची संख्या वाढत असल्याने आणि दुसऱ्या बाजूला रेल्वे, एसटी व खासगी वाहनांना लागणारा वेळ पाहता कोल्हापुरातून रोज मुंबईला विमानसेवा सुरु व्हावी, अशी मागणी उद्योजक आणि व्यापारी वर्गातून होत होती.
मुंबई ते कोल्हापूर या मार्गावर दैनंदिन विमानसेवा सुरू झाली असून, आठवड्यातील सातही दिवस मुंबईसाठी विमानसेवा सुरू होत असल्याने व्यापारी, उद्योजक, कलाकार, खेळाडू अशा सर्वांचीच मोठी सोय झाली आहे. दरम्यान, स्टार एअरकडून विमान सेवेचे वेळापत्रक जाहीर करण्यात आले असून, ही विमानसेवा बंगळुरु ते मुंबई व्हाया कोल्हापूर अशी असणार आहे.
बंगळुरुहून सकाळी ९:०५ मिनिटांनी हे विमान कोल्हापूरसाठी निघेल आणि १०:२० मिनिटांनी ते कोल्हापुरात पोहोचेल. तर सकाळी १० वाजून ५० मिनिटांनी कोल्हापुरातून हे विमान मुंबईसाठी उड्डाण करेल आणि मुंबईत ११:५० ला पोहोचणार आहे. तसेच मुंबईतून दुपारी ३:४० मिनिटांनी हे विमान कोल्हापूरसाठी निघेल आणि कोल्हापुरात ते ४:४० वाजता पोहोचेल. ५:१० मिनिटांनी ते बंगळुरुसाठी रवाना आजपासून कोल्हापूर ते मुंबई आणि होणार आहे.
Loading ...