suicide

बीड जिल्ह्यातील शिरुर कासार येथील प्राथमिक आरोग्य केंद्रात नर्स म्हणून कार्यरत असलेल्या शिवकन्या देवडे यांनी आपल्या राहत्या घरी साडीने गळफास घेऊन आत्महत्या केली आहे.

    बीड: बीड जिल्ह्यातील (Beed District) शिरुर कासार येथे एक धक्कादायक घटना घडली आहे. Whatsapp स्टेटसला पतीचा फोटो ठेवून कंत्राटी नर्सने गळफास घेऊन आत्महत्या (Suicide) केल्याचा प्रकार समोर आला आहे. शिरुर कासार येथील प्राथमिक आरोग्य केंद्रात ही महिला कंत्राटी स्टाफ नर्स म्हणून काम करत होती. दरम्यान रविवारी रात्री या महिलेने राहत्या घरी साडीने गळफास घेऊन आत्महत्या केली. शिवकन्या देवडे (वय 33, रा. पिंपळनेर ह. मु. शिरूर) असं आत्महत्या केलेल्या या महिलेचं नाव आहे.

    हे सुद्धा वाचा

    पोलिसांकडून मिळालेल्या माहितीनुसार, शिरुर कासार येथील प्राथमिक आरोग्य केंद्रात नर्स म्हणून कार्यरत असलेल्या शिवकन्या देवडे यांनी आपल्या राहत्या घरी साडीने गळफास घेऊन आत्महत्या केली आहे. आत्महत्येचं कारण अद्याप अस्पष्ट असलं, तरी आत्महत्येपूर्वी शिवकन्या यांनी आपल्या व्हॉट्सॲप स्टेटसला पतीचा फोटो ठेवला आहे. तसेच आणखी तिघे या स्टेटसमध्ये असून त्यात एक पुरुष आणि दोन महिलांचाही समावेश आहे. या व्यक्तींचा शोध पोलीस घेत आहेत.

    शिवकन्या शिरूरच्या आरोग्य केंद्रात कंत्राटी नर्स म्हणून काम करत आहेत. रविवारी रात्री त्यांनी राहत्या घरीच एका पंख्याला साडीच्या मदतीने गळफास घेऊन आत्महत्या केली. खिडकी उघडी असल्याने घडलेला प्रकार शेजाऱ्यांना समजला. त्यानंतर घनश्याम  मैंदड यांनी फोन करून नातेवाइकांना याबाबत कळवले आहे. तसेच याची माहिती पोलिसांना देण्यात आली. माहिती मिळताच पोलिसांनी घटनास्थळी धाव घेत बंद दरवाजा तोडून लटकलेला मृतदेह खाली काढण्यात आला.

    शिवकन्या यांचे पती गोरख देवडे हे ट्रकचालक असल्याने ते बाहेर होते. तर 11 वर्षांचा मुलगा नातेवाईकांकडे गेला होता. त्यामुळे शिवकन्या घरात एकट्याच होत्या. या प्रकरणाची पोलिसांत नोंद करण्यात आली आहे. तपास जमादार उजगरे हे करत आहेत. या आत्महत्येचे कारण अद्याप स्पष्ट झालेलं नाही.

    ज्या आरोग्य केंद्रात काम केलं तिथेच झालं शवविच्छेदन
    शिरुर कासार येथील प्राथमिक आरोग्य केंद्रात कंत्राटी स्टाफ नर्स म्हणून कार्यरत असलेल्या शिवकन्या देवडे यांनी आत्महत्या केली. तर शिरुर कासार येथील प्राथमिक आरोग्य केंद्रात त्या 12 वर्षापासून काम करत होत्या. त्यामुळे ज्या आरोग्य केंद्रात एवढी वर्षे काम केले त्याच आरोग्य केंद्रात शिवकन्या यांच्या मृतदेहाचं विच्छेदन करण्यात आले. सहकारी कर्मचाऱ्याचं शवविच्छेन करताना डॉक्टर, कर्मचारीही भावूक झाले होते.