नवीन वर्षाच्या पहील्याच दिवशी साई चरणी तब्बल ‘इतक्या’ किंमतीचा सोन्‍याचा मुकुट, नवीन वर्षाच्या पार्श्वभूमीवर मोठे दान

अनेक वर्षांपासून साईबाबांना सोन्याचे आभूषण देण्याचा राजा दत्ता आणि शिवानी दत्ता या दाम्पत्याचा मानस होता. सोने वितळवताना त्याचा आकार मुकूटासारखा झाल्याने ही बाबांची इच्छा समजून सुवर्णमुकूट बनवून तो दान दिल्याचे शिवानी दत्ता यांनी म्हटले आहे.

    अहमदनगर : २०२३ या नवीन वर्षाच्या पहील्या दिवशीच बेंगलोर येथील दानशुर साईभक्‍त राजा दत्‍ता व शिवानी दत्‍ता यांनी ९२८ ग्रॅम वजनाचा ४६ लाख ७० हजार ६२४ रुपये किंमतीचा सोन्‍याचा मुकुट साईबाबा संस्‍थानला देणगी स्‍वरुपात दिला. सदरचा मुकुट संस्‍थानचे प्र.मुख्‍य कार्यकारी अधिकारी राहुल जाधव यांच्‍याकडे सुपुर्त केला आहे.

    बेंगलोर येथील साईभक्त राजा दत्‍ता आणि शिवानी दत्‍ता या दाम्पत्यानी नववर्षानिमित्त ९२८ ग्रॅम वजनाचा ४६ लाख ७० हजार रुपये किंमतीचा सोन्‍याचा मुकुट साईबाबांना देणगी स्वरूपात दिला आहे. दानशूर साईभक्ताच्या इच्छेखातर आज हा सुवर्ण मुकूट साई मूर्तीला परिधान करण्यात आलाय. या मुकूटावर अमेरिकन डायमंड असून ओमची छबी रेखाटण्यात आली आहे.

    अनेक वर्षांपासून साईबाबांना सोन्याचे आभूषण देण्याचा राजा दत्ता आणि शिवानी दत्ता या दाम्पत्याचा मानस होता. सोने वितळवताना त्याचा आकार मुकूटासारखा झाल्याने ही बाबांची इच्छा समजून सुवर्णमुकूट बनवून तो दान दिल्याचे शिवानी दत्ता यांनी म्हटले आहे. सध्या या दाम्पत्याची सर्वत्र चर्चा होत आहे.