पिंपरी : महापालिकेच्या विविध विभागांतील ब आणि क गटांतील 15 पदांच्या 388 जागांसाठी मे मध्ये घेतलेल्या परीक्षेचा निकालाला विलंब होत आहे. यामधील 11 पदांचा (दि. 7) ऑगस्ट रोजी निकाल जाहीर झला असताना उर्वरित 4 पदांच्या निकालासाठी प्रशासनाकडून ‘तारीख पे तारीख’ सुरू आहे. त्यामुळे पालिका प्रशासन निकाल कधी लावणार, याच्या प्रतीक्षेत तब्बल 52 हजारांपेक्षा जास्त विद्यार्थी आहेत.
विविध विभागांतील 388 जागांसाठी परीक्षा
पिंपरी-चिंचवड महापालिकेच्या विविध विभागांतील 388 जागांसाठी राज्यातील 26 शहरांतील 98 केंद्रांवर टाटा कन्स्लटन्सी सर्विसेसेच्या (टीसीएस) माध्यमातून दि. 26, 27 व 28 मे परीक्षा झाली. 55 हजार 82 विद्यार्थ्यांनी परीक्षा दिली. पालिकेने अतिरिक्त कायदा सल्लागार, विधी अधिकारी, उपमुख्य अग्रिशमन अधिकारी, विभागीय अग्रिशमन अधिकारी, उद्यान अधीक्षक (वृक्ष), उद्यान निरीक्षक, हॉर्टीकल्चर सुपरवायझर, कोर्ट
लिपिक, ऍनिमल किपर, समाजसेवक, आरोग्य निरीक्षक, स्थापत्य अभियांत्रिकी सहाय्यक, कनिष्ठ अभियंता (स्थापत्य), कनिष्ठ अभियंता (विद्युत), लिपिक या पदासाठी परीक्षा घेतली होती. यापैकी 11 पदांच्या 35 (दि.7) ऑगस्ट निकाल जाहीर करण्यात आला. मात्र, स्थापत्य अभियांत्रिकी सहायक, कनिष्ठ अभियंता (स्थापत्य), कनिष्ठ अभियंता(विद्युत), लिपिक या चार पदांची निकालाची 52 हजारपेक्षा जास्त उमेदवारांना निकालाची अद्याप प्रतिक्षाच आहे. त्यामुळेउमेदवारांकडून नाराजी व्यक्त केली जात आहे.
परीक्षार्थींची अपेक्षा फोल
महापालिकेच्या 388 जागांसाठी झालेली परीक्षा ऑनलाइन होती. परीक्षा ऑनलाइन असल्यामुळे परीक्षार्थींना त्वरीत निकाललागण्याची अपेक्षा होती. मात्र, युपीएससीची तयारी करणाऱ्या 83 उमेदवारांची 17 जुलैला परीक्षा झाली. त्यानंतर 11 पदांच्या 35 जागांसाठी दि.7 ऑगस्टला निकाल जाहीर झाला. त्यानंतर 4 पदांचा निकाल स्वातंत्र्य दिनापूर्वी लावण्याचा मुहूर्त प्रशासनाने दिलाहोता. मात्र, हाही मुहूर्त हुकला असून एका स्वाक्षरीमुळे निकाल बाकी असल्याची चर्चा पालिका वतुर्ळात सुरू आहे. त्यामुळे पालिकेनेत्वरीत निकाल जाहीर करण्यास संबंधित एजन्सीला सूचना द्यावी, अशी मागणी उमेदवारांनी केली आहे.
चार पदांच्या निकाल लवकरच लावण्यात येईल. निकालाची प्रक्रिया ही अंतिम टप्यात आहे.
-विजय खोराटे, अतिरिक्त आयुक्त
Loading ...