संग्रहित फोटो
संग्रहित फोटो

    पिंपरी : दुकानातून शेगडी आणि मिक्सर नेल्याचे पैसे मागितल्याने तिघांनी मिळून दुकाना समोरील दुचाकी, सोफा यावर पेट्रोल टाकून दुकान पेटवून दिले. ही घटना सोमवारी (दि. 20) मध्यरात्री दिघी येथील बालाजी होम अप्लायन्सेस येथे घडली.

    दोन अनोळखी व्यक्तींच्या विरोधात गुन्हा दाखल

    प्रकाश मगाराम कुमावत (29, रा. परांडेनगर, दिघी. मूळ रा. राजस्थान) यांनी याप्रकरणी दिघी पोलीस ठाण्यात फिर्याद दिली आहे. त्यानुसार अजित ज्ञानोबा सूर्यवंशी (28, रा. दत्तनगर, दिघी) आणि दोन अनोळखी व्यक्तींच्या विरोधात गुन्हा दाखल करण्यात आला आहे.

    20 हजारांचे नुकसान

    पोलिसांनी दिलेल्या माहितीनुसार, प्रकाश कुमावत यांचे परांडेनगर येथे बालाजी होम अप्लायन्सेस नावाचे दुकान आहे. आरोपी अजित याने कुमावत यांच्या दुकानातून शेगडी आणि मिक्सर नेले. त्याचे पैसे मागितल्याच्या कारणावरून अजित आणि त्याच्या साथीदारांनी कुमावत यांच्या दुकानातील दुचाकी आणि सोफ्यावर पेट्रोल टाकून दुकान जाळून टाकण्याच्या इराद्याने आग लावली. यामध्ये कुमावत यांचे 20 हजारांचे नुकसान झाले असल्याचे फिर्यादीत म्हटले आहे. दिघी पोलीस तपास करीत आहेत.