उच्च न्यायालयाच्या निर्णयानंतर शिंदे गटाची सर्वोच्य न्यायालयात धाव, दसरा मेळाव्यासाठी याचिका दाखल करणार

शिवाजी पार्कवरील दसरा मेळाव्यावरुन शिंदे गटाला धक्का बसला असून, उच्च न्यायालयाच्या निर्णयानंतर आता शिंदे गट सर्वोच्य न्यायालयात (Supreme Court) धाव घेणार आहे. शिंदे गटाकडून सर्वोच्य न्यायालयात दसरा मेळाव्यासाठी याचिका दाखल करणार आहे.

    मुंबई : शिवसेनेची ओळख असणारा शिवाजी पार्कवर होणारा पारंपरिक दसरा मेळावा (Dasara Melava) कोणाचा आणि कुठे होणार? याबाबद सध्या राजकीय वर्तुळात जोरदार चर्चा सुरु होती. शिवसेनेना (Shivsena) आणि त्यानंतर शिंदे गटानं (CM Eknath Shinde) हायकोर्टात (Bombay High Court) धाव घेतली होती. मुंबई महापालिका प्रशासनानं मुंबई पोलिसांनी कायदा सुव्यवस्थेच्या मुद्यावर बोट ठेवल्यानं यंदा कुणालाही परवावगी न देण्याची भूमिका घेतली होती, मात्र आता शिवसेनेनं दाखल केलेल्या याचिकेवर आज हायकोर्टात (Bombay high court) सुनावणी पार पडली. दरम्यान, कोर्टानं काही निरिक्षणं नोंदवत पालिकेवर (BMC) ताशेर ओढले आहेत. तसेच दसरा मेळाव्याला उद्धव ठाकरेंच्याच दसरा मेळाव्याला परवानगी दिली आहे. त्यामुळं शिंदे गटाला धक्का बसला असून, आता शिवाजी पार्कवर उद्धव ठाकरेंचा दसरा मेळावा होणार असून, उद्धव ठाकरेंच्याच शिवसेनेचा आवाज घुमणार आहे.

    शिंदे गटाची सर्वोच्य न्यायालयात धाव

    दरम्यान, शिवाजी पार्कवरील दसरा मेळाव्यावरुन शिंदे गटाला धक्का बसला असून, उच्च न्यायालयाच्या निर्णयानंतर आता शिंदे गट सर्वोच्य न्यायालयात (Supreme Court) धाव घेणार आहे. शिंदे गटाकडून सर्वोच्य न्यायालयात दसरा मेळाव्यासाठी याचिका दाखल करणार आहे. मुंबई उच्च न्यायालयाने काही निरिक्षणं नोंदवत पालिकेवर ताशेरे ओढले आहेत.

    काय झालं न्यायालयात?

    २०१७ मध्ये पालिकेनं कशी परवानगी दिली असा सुद्धा प्रश्न कोर्टानं उपस्थित केला. २१ तारखेपूर्वी पालिकेनं निर्णय का घेतला नाही, असं म्हणत पालिकेवर सुद्धा कोर्टानं ताशेरे ओढले आहेत. पालिकेनं निर्णय का घेतला नाही याच उत्तर देणं कठीण आहे, असं सुद्धा कोर्टानं निरिक्षण नोंदवलं आहे. पालिकेच्या निर्णयामध्ये काही तथ्य नाही. सर्वांनी दिलेले दाखले यांची कोर्टांनी दखल घेऊन विचारविनिमय केला आहे. दादर पोलिसांचे संख्याबळ पाहता कायदा व सुव्यवस्थेचा प्रश्न निर्माण होऊ शकतो. पालिकेला दोन्ही बाजूच्या दाव्याची कल्पना होती. असं म्हणत कोर्टानं पालिकेला सुनावले आहे. आम्हाला पूर्वीचा आधार घ्यावा लागेल, असं कोर्टानं म्हणत शिवसेनेच्या दसरा मेळावा शिवाजी पार्कवर अनेक वर्ष होतो. तसेच अर्ज नाकारण्याचा पालिकेचा निर्णय योग्य आहे असं कोर्टानं म्हटलं आहे. कायदा व सुव्यवस्थेचा विचार करुन पालिकेनं अर्ज नाकारला.