जिल्हा परिषदेच्या (Solapur ZP) सर्व कर्मचारी संघटनेच्या वतीने जिल्हा परिषदेच्या आवारात राज्य शासनाने जिल्हा परिषद कर्मचारी जुनी पेन्शन योजनेच्या (Old Pension Scheme) संदर्भात गठीत केलेल्या समितीच्या निवडीच्या पत्राची होळी करण्यात आली.
सोलापूर : जिल्हा परिषदेच्या (Solapur ZP) सर्व कर्मचारी संघटनेच्या वतीने जिल्हा परिषदेच्या आवारात राज्य शासनाने जिल्हा परिषद कर्मचारी जुनी पेन्शन योजनेच्या (Old Pension Scheme) संदर्भात गठीत केलेल्या समितीच्या निवडीच्या पत्राची होळी करण्यात आली. तसेच या होळीच्या भोवती बोंब ठोकली. त्या समितीच्या निषेध करण्यात आला.
जिल्हा परिषदेच्या आवारात बुधवारी शासकीय कर्मचाऱ्यांना जुनी पेन्शन लागू करण्यासाठी व कंत्राटी कर्मचारी यांना शासन सेवेत कायम करण्यासाठी संपाचा दुसरा दिवस पाळण्यात आला. या निमित्ताने जिल्हा परिषदेच्या सर्व संघटनांचे प्रतिनिधी व पदाधिकारी व कर्मचारी मोठ्या संख्येने उपस्थित होते.
यावेळी महिला कर्मचारी अश्विनी शिंदे, उषा भोसले, सविता मिसाळ, कास्ट्राईब कर्मचारी संघटनेचे अरूण क्षीरसागर, गिरीश जाधव, लिपिक वर्गीय संघटनेचे अध्यक्ष अविनाश गोडसे, दिनेश बनसोडे, पाणी व स्वच्छता कर्मचारी संघटनेचे प्रदेशाध्यक्ष सचिन जाधव, मोहित वाघमारे, एस. पी. माने, शंकर बंडगर उपस्थित होते. यासह मोठ्या संख्येने कर्मचारी उपस्थित होते.
जुनी पेन्शन लागू करा, वेतन त्रुटी दूर करा, कंत्राटी कर्मचारी सेवेत कायम करा, मागासवर्गीय कर्मचाऱ्यांना पदोन्नती देणे अशा विविध मागण्यांचा आक्रोश करण्यात आला. गोलाकार पद्धतीने उभे राहून कर्मचाऱ्यांना जुनी पेन्शन लागू करण्यासाठी नेमण्यात आलेल्या समितीची होळी करण्यात आली. बक्षी समितीने केलेल्या शिफारशी यापूर्वीच कर्मचारी यांच्यावर अन्याय करणारे आहेत. पुन्हा बक्षी यांना समितीवर घेतल्यामुळे कर्मचाऱ्यांमध्ये संतापाची लाट होती.
