बारामती नगरपरिषद कामगार सहकारी पतसंस्थेच्या चेअरमनपदी सुनिल धुमाळ

बारामती नगरपरिषद कामगार सहकारी पतसंस्थेचे चेअरमनपदी सुनिल भगवान (Sunil Bhagwan) धुमाळ तर व्हाईस चेअरमनपदी प्रतिभा मनोज सोनवणे यांची एकमताने बिनविरोध निवड झाली.

    बारामती / नवराष्ट्र न्युज नेटवर्क : बारामती नगरपरिषद कामगार सहकारी पतसंस्थेचे चेअरमनपदी सुनिल भगवान (Sunil Bhagwan) धुमाळ तर व्हाईस चेअरमनपदी प्रतिभा मनोज सोनवणे यांची एकमताने बिनविरोध निवड झाली.

    यावेळी उपनिबंधक कार्यालयात निवडणूक प्रक्रिया घेण्यात आली. चेअरमनपदासाठी सुनिल भगवान धुमाळ यांचा तर व्हा.चेअरमनपदासाठी प्रतिभा मनोज सोनवणे या दोघांचेच अर्ज दाखल झाले होते. त्यानुसार सुनिल धुमाळ यांची चेअरमन तर प्रतिभा सोनवणे यांची व्हाईस चेअरमन म्हणून एकमताने बिनविरोध निवड झाली असल्याचे निवडणुक निर्णय अधिकारी एस.पी.गोलांडे यांनी जाहीर केले. यावेळी १३ पैकी १२ संचालक उपस्थित होते.

    याप्रसंगी नूतनचे चेअरमन सुनिल धुमाळ व प्रतिभा सोनवणे यांनी सांगितले की, आम्ही सभासदांच्या हितासाठी व आर्थिक गरजा भागविण्यासाठी तसेच संस्थेचा आणखीन नावलौकिक वाढविण्यासाठी आम्ही प्रयत्नशील राहू. यावेळी पॅनेलचे प्रमुख राजेंद्र सोनवणे यांनी सर्व संचालकांच्या वतीने सुनिल धुमाळ, प्रतिभा सोनवणे यांचा पुष्पगुच्छ देऊन अभिनंदन करण्यात आले.

    यावेळी माजी चेअरमन राजेंद्र सोनवणे, फिरोज आत्तार, भालचंद्र ढमे, दादासाहेब जोगदंड, चंद्रकांत सोनवणे, उमेश लालबिगे, संजय चव्हाण, विजय शितोळे, अजय लालबिगे, सुवर्णा भापकर उपस्थित होते.