काँग्रेसची जनसंवाद यात्रा, भाजप नेत्या पंकजा मुंडेंची शिवशक्ती परिक्रमा आणि आता शिवसेनेने सुरू केलेले 'होऊ द्या चर्चा' मोहिमेने तालुक्याचे राजकारण ढवळून निघाले आहे. राष्ट्रवादीतील शरद पवारांचा गट व शिवसेनेचा एकनाथ शिंदे गट अद्याप शांत आहे. निवडणुकांची पूर्वतयारी म्हणून राजकीय नेत्यांनी वेगवेगळ्या मोहिमा आखत मैदानावरील स्थितीचा अंदाज घेण्यास सुरुवात केली आहे.
शिवसेना शिंदे गट गेल्या अनेक महिन्यांपासून शांत होता. आता तोही सक्रीय झाला आहे. सरकारच्या विविध धोरणांचा निर्णयांचे स्वागत करण्यासाठी त्यांनी मोहीम हाती घेतली आहे.तासगावच्या दोन युवा नेत्यांनी कामाचा जोर वाढवला असताना दुसरीकडे कवठेमहांकाळ तालुक्यातील माजी मंत्री अजितराव घोरपडे यांचा गट सावध बनला आहे. घोरपडे गटाकडे काही ग्रामपंचायती, विकास सोसायट्या आहेत. त्यांचे पुत्र शेतकरी विकास आघाडीचे युवा नेते राजवर्धन घोरपडे हे देखील मैदानात उतरण्यासाठी सज्ज आहेत. त्यांनी भूमिका अद्याप स्पष्ट केली नसली तरी समर्थक आग्रह करत आहेत.
घोरपडे कोणती भूमिका घेणार?
रोहित व प्रभाकर हे दोन्ही तासगावचे उमेदवार असतील. परंतु या मतदारसंघात कवठेमहांकाळला दुय्यम स्थान मिळते. मग कवठेमहांकाळचा आमदार पाहिजे यासाठी राजवर्धन व शिवसेना शिदें गटाचे अमोल यांच्या उमेदवारीसाठी त्यांचे समर्थक प्रयत्न करत आहेत. मात्र अजितराव घोरपडे हे कोणती भूमिका घेणार? यावर बऱ्याच गोष्टी अवलंबून आहेत.
स्थाानिक नेत्यांकडूनतयारी
रोहित आणि प्रभाकर पाटील शिंदे गटाचे अमोल ओलेकर यांच्याबरोबर राजवर्धन यांच्या नावाची चर्चा असताना कवठेमहांकाळ तालुक्यामध्ये युवा नेते शंतनू सगरे हे सध्या तटस्थ आहेत. या गटाची भूमिकाही महत्त्वपूर्ण असणार आहे. पक्षाच्या स्थानिक नेत्यांकडून निवडणुकांच्या निमित्ताने तयारी सुरु झाली आहे.
Loading ...