आमदार अपात्र प्रकरणी शिवसेना ठाकरे गटाकडून जोरदार हालचाली सुरु झाल्या आहेत. त्याचाच एक भाग म्हणून ठाकरे गटाने विधानसभा अध्यक्ष राहुल नार्वेकर यांच्याविरोधात अॅफेडेव्हिट सादर केलं आहे.
मुंबई: आमदार अपात्रप्रकरणी शिवसेना ठाकरे गटाने जोरदार हालचाली सुरु झाल्या आहेत. याचाच एक भाग म्हणून ठाकरे गटाने विधानसभा अध्यक्ष राहुल नार्वेकर यांच्याविरोधात सुप्रीम कोर्टात अॅफेडेव्हिट सादर केलं आहे. विधानसभा अध्यक्षांनी सुनावणीसाठी जाहीर केलेल्या वेळापत्रकावर ठाकरे गटाने आक्षेप घेतला आहे. त्यांच्या म्हणण्यानुसार, अपात्रता मुद्दा सोडून इतर विषयात अध्यक्ष वेळ घालवत आहेत.
विधासभा अध्यक्षांनी सुनावणीसाठी जाहीर केलेलं वेळापत्रक आणि होणारा विलंब पाहता ठाकरे गट थेट सुप्रीम कोर्टात गेले आहे. याप्रकरणी आता 6 ऑक्टोबरला होणाऱ्या सुनावणीत मुद्दा मांडला जाणार आहे. हा मुद्दा सर्वोच्च न्यायालयात मांडू असं ठाकरे गटाचे नेते आणि माजी मंत्री अनिल परब म्हणाले होते.
दरम्यान, राहुल नार्वेकर यांनी सर्वोच्च न्यायालयाच्या निर्देशानुसार नुकतीच 25 सप्टेंबरला आमदार अपात्रतेप्रकरणी प्रत्यक्ष दुसरी सुनावणी घेतली.
ठाकरे गटाकडून सर्व दाखल 34 याचिका एकत्रित करून सुनावणी करा, अशी मागणी करण्यात आली. सर्व दाखल 34 याचिका एकत्रित का केल्या जात नाहीत? अशी विचारणा त्यांनी केली. मात्र, सर्व याचिकांची एकत्रित सुनावणीला शिंदे गटाच्या वकिलांकडून विरोध करण्यात आला. शिंदे गटाचे वकील अनिलसिह साखरे यांनी सर्व याचिका एकत्रित नको, स्वतंत्र सुनावणी घ्या, असा युक्तिवाद केला. आता या प्रकरणात पुढील सुनावणी 13 ऑक्टोबर रोजी होणार आहे.
Loading ...