जालना जिल्ह्यात आंतराली सराटी येथे झालेल्या मराठा बांधवांच्यावर झालेला अमानुष लाठीहल्ला, मराठा आरक्षण या विषयावर राज्यभर चाललेल्या मराठा बांधवांच्या आंदोलनाला पाठींबा बार असोसिएशनने दिला. यावेळी झालेल्या बैठकीत आंदोलनकर्त्यावर खटले दाखल झाले आहेत.
सातारा : जालना जिल्ह्यात आंतराली सराटी येथे झालेल्या मराठा बांधवांच्यावर झालेला अमानुष लाठीहल्ला, मराठा आरक्षण या विषयावर राज्यभर चाललेल्या मराठा बांधवांच्या आंदोलनाला पाठींबा बार असोसिएशनने दिला. यावेळी झालेल्या बैठकीत आंदोलनकर्त्यावर खटले दाखल झाले आहेत. अशा खटल्यात विनामोबदला वकीलपत्र दाखल करण्याचा ऐतिहासिक निर्णय तातडीने घेण्यात आला.
यावेळी अध्यक्ष अॅड. विजय देशमुख, उपाध्यक्ष अॅड. जितेंद्र पिसाळ, पदसिध्द उपाध्यक्ष अँॅड. महेश नारायण कुलकर्णी, जिल्हा सरकारी वकील, सचिव अॅड. सुरेश महादेव रूपनवर, सहसचिव अॅड. रोहिणी शंतनू राक्षे, खजिनदार अॅड. गणेश जगन्नाथ राऊत, माजी अध्यक्ष अॅड. अंकुश जाधव, बार आसोसिएशनचे सदस्य उपस्थित होते. जालना येथील घटनेचा वकील संघटनेच्या तातडीच्या बैठकीत निषेध करण्यात आला.
लढ्यात कायदेशीर बाजू मांडावी
दोषींवर कडक कायदेशीर कारवाई करावी, जे मराठा आंदोलनकर्ते आहेत. त्यांचे खटल्यात विनामोबदला वकीलपत्र दाखल करणार असल्याचे निवेदन जिल्हाधिकारी, मराठा क्रांती मोर्चा समन्वयकांना देण्यात आले. सातारा बार असोसिएशनने घेतलेल्या निर्णय राज्यभरातील वकिलांनी घ्यावा. आरक्षणाच्या लढ्यात कायदेशीर बाजू मांडून आरक्षण मिळवून देण्यासाठी प्रयत्न करावेत, अशी भावना समन्वयकांनी व्यक्त केली.
Loading ...