पुणे : लाडक्या गणरायाला काल संपूर्ण राज्यभर मोठ्या ढोल-ताशांच्या गजरात निरोप देण्यात आला. पुण्यातील मानाचे पाच गणपतींचे वेळेअगोदर विसर्जन झाल्याने वाटत होते, पुण्यातील गणपती विसर्जन लवकर होईल. परंतु, मोठ्या मंडळांचे गणपती निघायला खूप उशीर झाला. त्यांची मिरवणूक उशिरा निघाल्याने इतर छोटे मंडळांना त्यामुळे उशीरच झाला. त्यामुळे अजून तरी 3 ते 4 तास उशीर लागण्याची शक्यता आहे.
श्रीमंत दगडूशेठचा विसर्जन मिरवणुकीत लवकर सहभाग
पुण्यात अद्याप मिरवणुका सुरूच आहेच. पुण्यातील विसर्जन मिरवणूक लवकर पार पडावी यासाठी श्रीमंत दगडूशेठ हलवाई गणपतीच्या पदाधिकाऱ्यांकडून दगडूशेठने मिरवणुकीत लवकर सहभागी होण्याचा निर्णय घेतला. काल साडेचार वाजता विसर्जन मिरवणुकीत सहभागी झालेल्या दगडूशेठचे नऊ वाजण्याच्या आसपास विसर्जन देखील पार पडले.
पुण्यातील मोठ्या गणपती मंडळांना उशीर
त्यानंतर अखिल मंडई, बाबू गेनू, श्रीमंत भाऊसाहेब रंगारी, राजाराम यासारख्या मंडळांची मिरवणूक खुप उशिराने सुरू झाली. दगडूशेठ गणपतीच्या मिरवणुकीनंतर या मंडळांऐवजी इतर मंडळांना लक्ष्मी रस्त्यावर विसर्जन मिरवणुकीत सहभागी होण्यासाठी प्रवेश देण्यात आला.
२०० मंडळांचे गणेश विसर्जन बाकी
या मोठ्या मंडळांची विसर्जन मिरवणूक रात्री दीड वाजल्यानंतर देखील सुरु झाली नाही. त्यामुळे दगडूशेठ हलवाई गणपतीचे विसर्जन झाल्यानंतर विसर्जन मिरवणूक लवकर संपेल हा अंदाज चुकला. तर पुण्यातील सार्वजनिक गणेश विसर्जन मिरवणुकीला संपायला अजून ३ ते ४ तास लागण्याची शक्यता वर्तवण्यात येत आहे. अजून २०० मंडळांचे गणेश विसर्जन बाकी आहे
Loading ...