शाळकरी विद्यार्थ्याला मारहाण करून मोबाईल चोरणाऱ्या तिघांना कारावास

शाळेत जाणाऱ्या विद्यार्थ्यास मारहाण करून त्याचा मोबाईल हिसकावणाऱ्या दोन आरोपींना दोन वर्षांच्या सश्रम कारावासासह (Two Accused Jail) दंड तर चोरीचा मोबाईल विकत घेणाऱ्या आरोपीला एक वर्ष कारावासासह दंडाची शिक्षा सुनावली आहे.

    नाशिक : शाळेत जाणाऱ्या विद्यार्थ्यास मारहाण करून त्याचा मोबाईल हिसकावणाऱ्या दोन आरोपींना दोन वर्षांच्या सश्रम कारावासासह (Two Accused Jail) दंड तर चोरीचा मोबाईल विकत घेणाऱ्या आरोपीला एक वर्ष कारावासासह दंडाची शिक्षा सुनावली आहे. ही शिक्षा खामगाव येथील प्रथमवर्ग न्यायदंडाधिकारी एस.एन. भावसार यांनी सुनावली.

    शहरातील ओम नितीन गुजर हा विद्यार्थी 26 डिसेंबर 2021 रोजी सकाळी साडे अकरा वाजता शिकवणीसाठी सायकलने जात होता. त्यावेळी दुचाकीने आलेल्या दोघांनी त्याला पत्ता विचारण्यासाठी थांबवले. मारहाण करून मोबाईल हिसकावला. याबाबतची तक्रार विद्यार्थ्याने शहर पोलिसात केली.

    रावणटेकडी येथील आरोपी अंकुश उर्फ व्हायरस गणेशराव देशमुख (वय 28), दाळफैलातील शिवा मोहन धारपवार (वय 23) या दोघांना अटक केली. तपासात चोरीचा मोबाईल खामगाव तालुक्यातील कंझारा येथील प्रवीण दादाराव लांडगे (वय 27) याने खरेदी केल्याचे पुढे आले.

    न्यायालयाने सहा साक्षीदार तपासले. त्यांची साक्ष तसेच सहायक सरकारी वकील सविता सविता लोखंडे यांचा युक्तिवाद ग्राह्य धरून आरोपी अंकुश उर्फ व्हायरस गणेशराव देशमुख (वय 28), शिवा मोहन धारपवार (वय 23) या दोघांना दोन वर्षांचा कारावास तसेच एक हजार रुपये दंड तर प्रवीण लांडगे याला एक वर्ष कारावास, एक हजार रुपये दंडाची शिक्षा सुनावली.