Lasalgaon-Onion
संग्रहित फोटो

केंद्र सरकारने कांद्यावर 40 टक्के निर्यात (Onion Export) शुल्क लावल्याने शेतकऱ्यांसह व्यापारी आक्रमक झाले असून, कांद्याचा बेमुदत लिलाव बंदचा आजचा तिसरा दिवस आहे. सरकारच्या याच निर्णयाच्या विरोधात आता राष्ट्रवादी काँग्रेस शरद पवार गटाच्या वतीने नाशिकच्या शिंदे टोल नाक्यावर आंदोलन करण्यात आले.

    नाशिक : केंद्र सरकारने कांद्यावर 40 टक्के निर्यात (Onion Export) शुल्क लावल्याने शेतकऱ्यांसह व्यापारी आक्रमक झाले असून, कांद्याचा बेमुदत लिलाव बंदचा आजचा तिसरा दिवस आहे. सरकारच्या याच निर्णयाच्या विरोधात आता राष्ट्रवादी काँग्रेस शरद पवार (Sharad Pawar) गटाच्या वतीने नाशिकच्या शिंदे टोलनाक्यावर आंदोलन करण्यात आले.

    केंद्र सरकारने निर्यात शुल्क मागे घेऊन कांद्याला किमान 4 हजार रुपयांचा हमीभाव मिळवून द्यावा, अशी मागणी राष्ट्रवादी काँग्रेसच्या शरद पवार गटाने केली. शिंदे टोल नाक्यावर आंदोलन करत असताना या ठिकाणी रास्ता रोको करण्यात आला. यामुळे नाशिक-पुणे महामार्गावरील वाहतूक काही काळ ठप्प झाली. कांद्याला चांगला हमीभाव द्यावा, त्याचप्रकारे शेतकऱ्यांचं विज बिल माफ करावे, टोमॅटो आयात बंद करावी, अशी मागणी राष्ट्रवादी काँग्रेसच्या शरद पवार गटाकडून करण्यात आली.

    यावेळी शेतकऱ्यांसह राष्ट्रवादी काँग्रेस शरद पवार गटाचे कार्यकर्ते आक्रमक झाले होते. यावेळी त्यांनी रस्त्यावर कांदा फेकून आपला निषेध व्यक्त केला. केंद्र सरकार विरोधात घोषणाबाजी केली. या मागण्यांचे निवेदन पोलीस उपायुक्त मोनिका राऊत यांना देण्यात आले.