बेडग येथील मराठा उपोषणकर्त्यांचा अपमान करणारे जिल्हाधिकारी डॉ. राजा दयानिधी यांची तत्काळ बदली करावी, अन्यथा मराठा क्रांती मोर्चातर्फे सर्व लोकप्रतिनिधींच्या दारात ठिय्या आंदोलन करण्याचा इशारा मराठा समाजातर्फे देण्यात आला.
सांगली : बेडग येथील मराठा उपोषणकर्त्यांचा अपमान करणारे जिल्हाधिकारी डॉ. राजा दयानिधी यांची तत्काळ बदली करावी, अन्यथा मराठा क्रांती मोर्चातर्फे सर्व लोकप्रतिनिधींच्या दारात ठिय्या आंदोलन करण्याचा इशारा मराठा समाजातर्फे देण्यात आला.
दरम्यान, येथील छत्रपती शिवाजी महाराज यांच्या स्मारकाजवळ सुरू असलेले उपोषण स्थगित करण्याचा निर्णय बैठकीत घेण्यात आला. मारुती चौक येथील आंदोलनाच्या ठिकाणी झालेल्या बैठकीत उपोषणास बसलेले अजित जगताप यांना केमिस्ट असोसिएशनच्या संचालकांच्या हस्ते सरबत देऊन उपोषण सोडवण्यात आले.
साखळी उपोषण, सरकारचा अंत्यविधी, सार्वजनिक माती लोटणे, सामूहिक मुंडण आणि उत्तरकार्य विधीचा आंदोलनाचा जो टप्पा होता, तो स्थगित करण्यात आला. आरक्षणासंदर्भात राज्य सरकारचा होणारा निर्णय, त्यापुढे मराठा नेते व आंदोलनाचे प्रमुख मनोज जरांगे- पाटील हे जी भूमिका घेतील, त्यावर पुढील आंदोलनाची दिशा ठरवण्याबाबत निर्णय घेण्यात आला.
डॉ. संजय पाटील, विलास देसाई, शंभूराज काटकर, सतीश साखळकर, श्रीकांत शिंदे, नितीन चौगुले, कॉ. उमेश देशमुख, संतोष माने, नितीन चव्हाण, विश्वजित पाटील, तानाजी भोसले, अक्षय मिसाळ, अमोल चव्हाण, रोहित पाटील, गजानन साळुंखे, संभाजीराव पोळ, संभाजीराव पाटील उपस्थित होते.
Loading ...