देहूरोडमध्ये राज्यपालांसह त्रिवेदींचा निषेध; काँग्रेसतर्फे जोरदार निदर्शने

महाराष्ट्र राज्याचे आराध्यदैवत छत्रपती शिवाजी महाराजांच्या बद्दल अपमानास्पद वक्तव्य केल्याबद्दल राज्यपाल भगतसिंह कोश्यारी आणि भाजप प्रवक्ते सुधांशु त्रिवेदी यांचा देहूरोड ब्लॉक काँग्रेस कमिटीच्या वतीने जाहीर निषेध करण्यात आला. तसेच दोघांविरोधात जोरदार निदर्शने करण्यात आली.

    देहूरोड : महाराष्ट्र राज्याचे आराध्यदैवत छत्रपती शिवाजी महाराजांच्या बद्दल अपमानास्पद वक्तव्य केल्याबद्दल राज्यपाल भगतसिंह कोश्यारी आणि भाजप प्रवक्ते सुधांशु त्रिवेदी यांचा देहूरोड ब्लॉक काँग्रेस कमिटीच्या वतीने जाहीर निषेध करण्यात आला. तसेच दोघांविरोधात जोरदार निदर्शने करण्यात आली.

    महाराष्ट्र प्रदेश कॉग्रेस कमिटी व पुणे जिल्ह्य कॉग्रेस कमिटी यांच्या आदेशानुसार तसेच देहूरोड शहर ब्लॉक कॉग्रेस कमिटीच्या वतीने येथील ऐतिहासिक सुभाष चौक येथे हे आंदोलन करण्यात आले. कॉंग्रेसचे अध्यक्ष व माजी नगरसेवक हाजीमलंग मारीमुत्तू यांच्या नेत्तृत्वाखाली झालेल्या आंदोलनात महिला काँग्रेसच्या जिल्हा उपाध्यक्षा राणी पांडियन, उपाध्यक्ष व्यंकटेश कोळी, शंकर टि जयसिंग, अल्पसंख्याक सेल शहराध्यक्ष मेहबूब गोलंदाज, किसान सेल अध्यक्ष संभाजी पिंजण, मलिक शेख, सहसचिव बबन टोंम्पे, रईस शेख, आसिफ शेख, करिम शेख, तसेच सर्व पदाधिकारी व कार्यकते उपस्थित होते.

    कोश्यारी, त्रिवेदी यांची हकालपट्टी करा

    प्रांतिक सदस्य दिपक सायसर यांनी आपल्या भाषणात छत्रपती शिवाजी महाराजांच्या महानतेचा उल्लेख केला. राज्यपाल भगतसिंग कोश्यारी व भाजप प्रवक्ते सुधांशु त्रिवेदी यांची पदावरुन हकालपट्टी करण्याची मागणी काँग्रेसच्या वतीने देहूरोड पोलीस आणि गावकामगार तलाठी आरती खरे यांच्याकडे करण्यात आली.