यवतमाळ: शहरातील धामणगाव बायपास (Dhamangaon Bypass) मार्गावर एकएका महिलेला मारहाण करून तिचा गळा चिरून जीवानिशी प्रयत्न केल्याची घटना उघडकीस आली आहे. अनैतिक संबंधामधून हा हल्ला झाल्याची माहिती आहे. पोलिसांनी मारेकरी प्रियकरास अटक केली आहे. अर्चना क्षीरसागर असं जखमी महिलेचं नाव आहे. तिला पोलिसांनी यवतमाळ च्या शासकीय रुग्णालयात उपचार दाखल केले.यवतमाळ शहरातील धामणगाव बायपास धारीवाल रेसिडेन्सी च्या मागील बाजूच्या वीट भट्टीजवळ एक महिला रक्ताच्या थारोळ्यात पडली असल्याची माहिती यवतमाळ शहर पोलिसांना मिळाली होती. या माहितीच्या आधारे पोलीस घटनास्थळी दाखल झाले. त्यावेळी एक 35 वर्षीय महिला रक्तात थारोळ्यात पडली असल्याचे दिसले. त्यावेळी तिचा गळा धारधार शस्त्राने चिरला असल्याचे लक्षात आले. या घटनेबाबत कळताच परिसरात एकच खळबळ उडाली.
अर्चना ही विवाहित असून ती आपल्या पतीपासून विभक्त झाली आहे. शाहरुखसोबत तिचे प्रेम प्रकरण सुरू होते. दरम्यान अर्चना गेल्या काही दिवसांपासून शाहरुखपासून दूर होती. दोघांमध्ये दुरावा निर्माण झाला होता. ती भेटण्यास ही नकार देत होती. माझे दुसरीकडे प्रेम प्रकरण सुरू असल्याची कबुली तिने शाहरुखला दिली. या बाबीचा राग मनात ठेवून शाहरुखने अर्चनाला यवतमाळच्या स्टेट बँक चौकात बोलावलं. गाडीवर बसवून वीटभट्टी परिसरात नेले. तिथं दोघे बोलत असताना दोघांमध्ये वाद झाला. त्याचवेळी शाहरुखने रागाच्या भरात आपल्या खिशात आणलेल्या कटरने सरळ अर्चनाचा गळा चिरला. या प्रकरणी पोलिसांनी तपास करत प्रियकर शाहरुख खान बहादूर खानचा शोध घेतला. त्याला ताब्यात घेऊन विचारपूस केली असता शाहरुखने पोलिसांना माहिती दिली.
हे सुद्धा वाचा
Loading ...