व्हेल माशाच्या (Whale Fish Vomit) उलटीची तस्करी करणाऱ्या टोळीला सांगलीच्या स्थानिक गुन्हे अन्वेषण शाखेने (Sangli LCB) जेरबंद केले आहे. तर दोघांना अटक (Two Peoples Arrested) करत त्यांच्याकडून तब्बल पावणे सहा कोटींच्या व्हेल माशाची उलटी पदार्थ जप्त करण्यात आला आहे.
सांगली : व्हेल माशाच्या (Whale Fish Vomit) उलटीची तस्करी करणाऱ्या टोळीला सांगलीच्या स्थानिक गुन्हे अन्वेषण शाखेने (Sangli LCB) जेरबंद केले आहे. तर दोघांना अटक (Two Peoples Arrested) करत त्यांच्याकडून तब्बल पावणे सहा कोटींच्या व्हेल माशाची उलटी पदार्थ जप्त करण्यात आला आहे. सांगली शहरातल्या शामराव नगर जवळील एपीजे अब्दुल कॉलेजजवळ बंदी असलेल्या व्हेल माशाची उलटीची विक्री करण्यासाठी काही व्यक्ती येणार असल्याची माहिती स्थानिक गुन्हे अन्वेषण शाखेला मिळाली (Sangli Whale Vomit) होती. त्यानुसार सापळा रचून दोघात संशयितांना ताब्यात घेऊन अंगझडती घेतली असता, त्यांच्याजवळ व्हेल माशाची पाच किलो वजनाची उलटी आढळून आली.
आंतरराष्ट्रीय बाजारपेठमध्ये व्हेलच्या उलटीच्या या साठ्याची किंमत सुमारे पाच कोटी ७१ लाख इतकी आहे. हा पदार्थ जप्त करत या प्रकरणी सांगलीत राहणाऱ्या सलीम पटेल त्याचबरोबर सिंधुदुर्गहून उलटी पदार्थ विक्री करण्यासाठी आलेल्या अकबर शेख या दोघांना अटक करण्यात आली आहे, अशी माहिती कोल्हापूर परिक्षेत्राचे विशेष पोलीस महानिरीक्षक सुनील फुलारी यांनी दिली आहे. तसेच सांगली शहर पोलीस ठाण्यामध्ये दोघांच्या विरोधात गुन्हा दाखल झाला असून अधिक तपास शहर पोलीस करत आहेत.
काही दिवसांपूर्वीही कारवाई
काही दिवसांपूर्वी कोल्हापूरच्या सरनोबत वाडी परिसरातही पोलिसांनी व्हेल माशाची उलटी जप्त केली होती. या मुद्देमालाची किंमत साधारण साडेतीन कोटी इतकी होती. गेल्या काही वर्षांमध्ये व्हेल माशाच्या उलटीची मागणी प्रचंड वाढली आहे. त्यामुळे व्हेल माशाच्या उलटीची मोठ्याप्रमाणावर तस्करी होते.
सुगंधी द्रव्ये केली जातात तयार
व्हेल माशाच्या उलटीला शास्त्रीय भाषेत एम्बरग्रीस म्हणतात. हा पदार्थ व्हेल माशाच्या आतड्यांमध्ये असतो. व्हेल मासा अपचन झाल्यानंतर अनेकदा समुद्रात अशाप्रकारची उलटी करतो. समुद्रातील खारे पाणी आणि सूर्यप्रकाशाच्या संपर्कात आल्यामुळे या उलटीचा चिकट पदार्थ तयार होतो, त्याला एम्बरग्रीस असे म्हणतात. सुगंधी द्रव्ये तयार करण्यात एम्बरग्रीस वापरले जाते.
याशिवाय, एम्बरग्रीसमध्ये अनेक औषधी गुणधर्म असल्याचेही सांगितले जाते. त्यामुळे आंतरराष्ट्रीय बाजारपेठेत व्हेलची उलटी अर्थात एम्बरग्रीसला प्रचंड मागणी आहे. व्हेल मासे खोल समुद्रात असल्याने हा पदार्थ क्वचितच उपलब्ध होतो. त्यामुळे अनेक बड्या कंपन्या आणि व्यावसायिक भलीमोठी किंमत मोजून एम्बरग्रीस खरेदी करतात.
अटक करण्यात आलेल्यांमध्ये सलीम गुलाब पटेल (वय ४९, रा. खणभाग, सय्यद अमीन रोड, सांगली ) आणि अकबर याकूब शेख (५१ रा. पिंगोली, मुस्लीमवाडी, ता. कुडाळ, जि. सिंधुदुर्ग) यांचा समावेश आहे. त्यांच्याकडून ५ किलो ७१० ग्रॅम वजनाचा व्हेल माशाची उलटी सदृश्य असलेला पदार्थ, एक चारचाकी व दुचाकी जप्त केली आहे.
