पुण्यातील कोंढवा परिसरात स्वातंत्र्यदिनाच्या पूर्वसंध्येला पाकिस्तान जिंदाबादचे नारे दिल्याचा प्रकार उघडकीस आला आहे. हा प्रकार सोमवारी रात्री घडला. कोंढवा पोलिसांनी घटनेची गंभीर दखल घेतली असून दोघांना ताब्यात घेतले आहे. या दोघांविरोधात गुन्हा दाखल करण्यात आला आहे.
पुणे : पुण्यातील कोंढवा परिसरात स्वातंत्र्यदिनाच्या पूर्वसंध्येला पाकिस्तान जिंदाबादचे नारे दिल्याचा प्रकार उघडकीस आला आहे. हा प्रकार सोमवारी रात्री घडला. कोंढवा पोलिसांनी घटनेची गंभीर दखल घेतली असून दोघांना ताब्यात घेतले आहे. या दोघांविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, कोंढवा परिसरात एका शाळेचे बांधकाम सुरू आहे. दोन व्यक्ती या शाळा बांधकामाच्या ठिकाणी सुरक्षा रक्षक म्हणून काम करतात. सोमवारी रात्रीच्या सुमारास हे दोघे पाकिस्तान जिंदाबादचे नारे देत होते. त्या ठिकाणाहून जाणाऱ्या काही नागरिकांनी त्यांनी दिलेले हे नारे ऐकले. त्यांनी पोलिसांना घटनेची माहिती दिली.
दरम्यान झाल्या प्रकाराची माहिती मिळाल्यानंतर कुठला पोलिसांनी घटनास्थळी धाव घेतली. पाकिस्तान जिंदाबादचे नारे देणाऱ्या या दोघांनाही पोलिसांनी ताब्यात घेतले. या दोघांविरोधात गुन्हा दाखल करण्यात आला असून त्यांना अटकही केली आहे. कोंढवा पोलीस अधिक तपास करत आहेत.
कोंढव्यात नक्की चाललंय काय?
राज्यात सध्या ISISचे आरोपी पडकल्या जात आहे. पुण्यात ATS कडून दोन आरोपी पकडण्यात आले होते. त्यानंतर NIA कडून एका डॉक्टरला अटक करण्यात आली होती. हे सगळे कोंढवा परिसरात राहत होते. त्याच परिसरात आता दोन जणांनी पाकिस्तान झिंदाबादच्या घोषणा दिल्यानं सुरक्षेचा प्रश्न उभा राहत आहे.
Loading ...