मराठा आरक्षणासाठी (Maratha Reservation) सुरु असलेल्या आत्महत्या काही थांबायला तयार नाहीत. हिंगोली जिल्ह्यात आणखी एका तरुणाने मराठा आरक्षण मिळत नसल्याने आपले जीवन संपवले आहे. या तरुणाने घरातील विजेच्या तारांना पकडून आत्महत्या केली.
मुंबई : मराठा आरक्षणासाठी (Maratha Reservation) सुरु असलेल्या आत्महत्या काही थांबायला तयार नाहीत. हिंगोली जिल्ह्यात आणखी एका तरुणाने मराठा आरक्षण मिळत नसल्याने आपले जीवन संपवले आहे. या तरुणाने घरातील विजेच्या तारांना पकडून आत्महत्या केली.
आदिनाथ राखोंडे (२७ वर्षे) असे आत्महत्या करणाऱ्या तरुणाचे नाव आहे. आदित्य उच्चशिक्षित होता. मात्र, असे असताना नोकरी मिळत नसल्याने तो चिंतेत होता. आदिनाथ याने आत्महत्या करण्यापूर्वी एक चिठ्ठी लिहून ठेवली. ज्यात, ‘मराठा समाजात जन्म झाला हा माझा गुन्हा आहे काय?’, असा त्याने उल्लेख केला.
सुसाईड नोटमध्ये काय लिहिलं?
एक मराठा लाख मराठा… मी सतत बातम्या पाहत आहे व मला असे वाटत आहे की मराठा समाजाला आरक्षण मिळू शकत नाही. माझे उच्च शिक्षण होऊनसुद्धा मला नोकरी मिळत नाही. माझ्या समाजाला न्याय मिळत नाही. त्यामुळे माझा मराठा समाजात जन्म झाला हा गुन्हा झाला आहे का? मी हतबल होऊन आज रात्री माझे जीवन संपवत आहे.
छत्रपती संभाजीनगर जिल्ह्यातही आत्महत्या
छत्रपती संभाजीनगरच्या कन्नड तालुक्यातील देवगाव रंगारी येथे देखील एकाने आत्महत्या केल्याची घटना समोर आली आहे. मराठा समाजाला आरक्षण मिळत नसल्याने तरुणाने विषारी द्रव पिऊन स्वतःच्या शेतातील विहिरीत उडी मारून आत्महत्या केली. बुधवारी दुपारी दोनच्या सुमारास ही घटना घडली आहे. संजय साईनाथ सोनवणे असे मयताचे नाव आहे.
Loading ...