खासदार संभाजीराजेंना तात्काळ अटक करा; वकील गुणरत्न सदावर्ते यांची मागणी

नांदेडमध्ये कोविड काळामध्ये मराठा आरक्षणाच्या संदर्भात, मराठा समाजाने मोर्चा काढला आहे. आणि या मोर्चाचे नेतृत्व खासदार संभाजीराजे यांनी केले. कोविड काळात मोर्च्यांना परवानगी नसताना, मोर्चा कसा काढला? त्यामुळं पोलिसांनी संभाजीराजेंना तात्काळ अटक केली पाहिजे अशी मागणी वकील गुणरत्न सदावर्ते यांनी केली आहे.

    मुंबई : नांदेडमध्ये कोविड काळामध्ये मराठा आरक्षणाच्या संदर्भात, मराठा समाजाने मोर्चा काढला आहे. आणि या मोर्चाचे नेतृत्व खासदार संभाजीराजे यांनी केले. कोविड काळात मोर्च्यांना परवानगी नसताना, मोर्चा कसा काढला? त्यामुळं पोलिसांनी संभाजीराजेंना तात्काळ अटक केली पाहिजे अशी मागणी वकील गुणरत्न सदावर्ते यांनी केली आहे.

    माननीय सर्वोच्च न्यायालयाने मराठ्यांचा आरक्षणाचा असैविधानिक घोषित केल्यानंतर तसेच माननीय उच्च न्यायालय, मुंबई यांनी निरीक्षणं नोंदवली आहेत की, कोविड संक्रमण काळात असे मोर्चे, सभा झाल्या नाही पाहिजे. त्याच धर्तीवर परत असे कृत्य करणे हे न्यायालयाच्या विरोधात आहे. त्यामुळं खासदार संभाजीराजे भोसले यांच्यावर गुन्हा दाखल झाला पाहिजे.

    त्याचबरोबर गुणरत्न पुढे म्हणाले की, अशोक चव्हाण हे मराठा आरक्षण उपसमितीचे नेतृत्व करताहेत. ते नांदेड जिल्ह्याचे पालकमंत्री आहेत त्यांना सुद्धा पोलीस अधीक्षक शेवाळे साहेब असतील किंवा पोलिस विशेष पोलीस महानिरीक्षक तांबोळी असतील, यांनी त्यांना तातडीने अटक केली पाहिजे. अजित पवार यांच्या घरासमोर इतर लोक मोर्चे काढतात, तेव्हा त्यांना पंधरा-पंधरा दिवस जेलमध्ये टाकता. आणि खासदार संभाजी राजेंना अशा प्रकारचा विशेष व्यवस्था का? ते कायद्यापेक्षा मोठे आहेत का? असा सवाल गुणरत्ने यांनी केला आहे. यापूर्वी सुद्धा खासदार संभाजीराजे यांनी नक्षलवाद्यांच्या संदर्भात वादग्रस्त वक्तव्य केले होते, त्यामुळे मी पोलीस अधीक्षक यांना संभाजीराजे यांना अटक करण्याची मागणी करत आहे, असं सदावर्ते म्हणालेत.

    दरम्यान आज नांदेडमध्ये मराठा समाजाचा मोर्चा आयोजित करण्यात आला होता. मराठा आरक्षणावरून खासदार संभाजी छत्रपती आक्रमक झाले आहेत. त्यांनी थेट राज्य आणि केंद्र सरकारला आव्हान दिलं आहे. तुम्ही काय भांडता याचं आम्हाला घेणं देणं नाही. समाजाला टिकणारं आरक्षण कसं देता याच्याशी आम्हाला घेणं आहे. मराठा समाजाचं आरक्षण रद्द केल्यानंतर तुम्ही पुनर्विचार याचिका दाखल केली. त्यानंतर तुम्ही काय पाठपुरावा केला ते मला सांगा. काहीच पाठपुरावा केला नाही. मराठा आरक्षणावर चर्चा करण्याची माझी तयारी आहे. केंद्र आणि राज्य सरकारच्या लोकांनी बसावं माझ्यासमोर, होऊन जाऊ द्या चर्चा, असं आव्हानच खासदार संभाजी छत्रपती यांनी दिलं आहे. मोर्चाला संबोधित करताना संभाजी छत्रपती यांनी हे आव्हान दिलं. केंद्राने 127 वी घटना दुरुस्ती केली आहे. राज्याला ओबीसी प्रवर्ग ठरविण्याचे अधिकार दिल्याचं केंद्राने सांगितलं.असं खासदार संभाजीराजे म्हणाले.