आयुर्वेदिक औषधी योग केमो रिकव्हरी किट्स ठरणार गूणकारी

मुंबई : कर्करोगग्रस्त रुग्णांसाठी आनंदाची बातमी आहे. कर्करोगग्रस्तांसाठी आयुर्वेदिक औषधी योग केमो रिकव्हरी किट्स गुणकारी ठरणार आहे.

गेल्या ५०-६० वर्षांमध्ये आयुर्वेदाची मोठ्या प्रमाणात उपेक्षा झाली. मात्र, आता आयुर्वेदाच्या पुनरुज्जीवनाचा काळ आला आहे. आयुर्वेद आणि आधुनिक वैद्यकशास्त्र दोघांचीही स्वतंत्र वेगळ स्थान आहे. या दोन्हीनी एकत्रितपणे संशोधनकार्य केल्यास कर्करुग्णांना तसेच इतर रुग्णांना त्याचा मोठा लाभ होईल, असे प्रतिपादन राज्यपाल भगतसिंह कोश्यारी यांनी केले.

सध्या जगाला भेडसावत असलेल्या कोरोना संसर्गावर देखील आयुर्वेदाच्या माध्यमातून संशोधन होऊन उपचार शोधला जाईल असा विश्वास राज्यपालांनी यावेळी व्यक्त केला.

किमोथेरपी झालेल्या कर्करुग्णांना रुग्णांना अतिशय वेदना सहन कराव्या लागतात. किमो रिकव्हरी कीटमधील आयुर्वेदिक औषधांमुळे रुग्णांना दिलासा मिळणार आहे. भारतीय संस्कृती दर्शन ट्रस्टतर्फे कर्करोग उपचारासाठी आयुर्वेदिक औषधांचे ७ पेटेंट दाखल केल्याबद्दल संस्थेचे अभिनंदन करताना संस्थेच्या संशोधन कार्याशी टाटा ट्रस्ट जोडले असल्यामुळे संस्थेच्या कार्याला विश्वसनियता लाभली आहे, असे राज्यपालांनी सांगितले.

पुण्याच्या भारतीय संस्कृती दर्शन संस्थेच्या एकात्मिक कर्करोग उपचार आणि संशोधन केंद्राने टाटा ट्रस्ट यांच्या आर्थिक सहकार्याने तयार केलेल्या आयुर्वेदीक ‘किमो रिकव्हरी किट’चे रविवारी राज्यपालांच्या हस्ते राजभवन येथून लोकार्पण करण्यात आले, त्यावेळी ते बोलत होते.

वैद्यकीय संशोधन कार्य हे सखोल आणि सातत्यपूर्ण झाले पाहिजे असे सांगून आयुर्वेदातील संशोधन जागतिक स्तरावर नेण्यासाठी त्याचे पेटेंट दाखल झाले पाहिजे, असे राज्यपालांनी सांगितले. आयुर्वेदिक औषधांच्या प्रसारासाठी केवळ मार्केटिंग न करता संशोधनावर अधिक भर दिला पाहिजे, असे त्यांनी सांगितले.

“भारतीय संस्कृती दर्शन संस्थेत १४ हजार कर्करोगग्रस्त रुग्णांची नोंद करण्यात आली आहे. एकूण ७ किट्स तयार केले आहेत. त्यापैकी २ किट्सचे अनावरण करण्यात आले आहेत. या किट्समुळे कर्करोगग्रस्त रुग्णांची जीवन सुधारण्यास मदत होणार आहे. ”

-सदानंद सरदेशमुख,भारतीय संस्कृती दर्शन ट्रस्टचे अध्यक्ष