Rape-on-Small-girl

एका चार वर्षाच्या मुलीचं(rape on 4 year girl) ३४ वर्षांच्या माणसाने अपहरण केलं. त्यानंतर तिच्यावर बलात्कार केला. क्रौर्याची परिसीमा म्हणजे अत्याचारानंतर मुलगी मेली आहे असं समजून या नराधमाने तिला प्लॅस्टिकच्या पिशवीत टाकून रस्त्यावरच(girl thrown in plastic bag) फेकून दिलं.

वसईत बलात्काराची(rape) एक विचित्र घटना घडली आहे. एका चार वर्षाच्या मुलीचं(rape on 4 year girl) ३४ वर्षांच्या माणसाने अपहरण केलं. त्यानंतर तिच्यावर बलात्कार केला. क्रौर्याची परिसीमा म्हणजे अत्याचारानंतर मुलगी मेली आहे असं समजून या नराधमाने तिला प्लॅस्टिकच्या पिशवीत टाकून रस्त्यावरच(girl thrown in plastic bag) फेकून दिलं. हा प्रकार लोकांच्या लक्षात आल्यानंतर त्यांनी पोलिसांना माहिती दिली. त्यानंतर पोलिसांनी मुलीला रुग्णालयात दाखल केलं.आरोपीला माणिकपूर येथे बेड्या ठोकल्या. त्याच्यावर बलात्कार, अपहरण आणि खुनाचा प्रयत्न केल्याचा गुन्हा दाखल करण्यात आला आहे.

सांताक्रूझमध्ये राहणारा आरोपी हा बसचालक आहे. वसईहून तो कर्मचाऱ्यांना घेऊन येत असे. खासगी ऑपरेटरची ही बस सहसा भाईंदर (पश्चिम) मधील सुभाषचंद्र बोस मैदानाजवळ रस्त्याच्या कडेला बेकायदेशीरपणे पार्क केली जायची पोलिसांनी दिलेल्या माहितीनुसार आसपासच्या झोपडपट्टीतील मुले पार्क केलेल्या बसमध्ये खेळण्यासाठी गेली. त्यावेळी बसचा ड्रायव्हर एका सहकाऱ्यासह तेथे मद्यपान करत बसले होते. दुपारी एक वाजण्याच्या सुमारास ड्रायव्हर वसईकडे जाण्यासाठी निघाला.

बस सुरू झाल्यानंतर काही मुले बसमधून खाली उतरली. मात्र चार वर्षांची मुलगी बसमध्येच झोपल्याने तिला बसमधून उतरता आले नाही. यावेळी इतर मुलांनी आरडओरडा केला. मग ड्रायव्हरने मुलीसह तेथून पळ काढला. ड्रायव्हरचा शोध घेण्यासाठी मुलीच्या आईने भाईंदर पोलिसांकडे धाव घेतली. ड्रायव्हरने बस दुसऱ्या ठिकाणी पार्क करत त्या मुलीवर लैंगिक अत्याचार केला. मुलगी ओरडत असल्याने त्याने तिच्या गळा दाबला. त्यानंतर तिचा मृत्यू झाला असे समजून मुलीला एका बसमध्ये पडलेल्या प्लॅस्टिकच्या पिशवीत टाकले आणि वसईच्या फादरवाडी येथील पेट्रोल पंपाजवळ ती पिशवी फेकून दिली. त्यानंतर ड्रायव्हरने तेथून पळ काढला.

रस्त्यावरून जाणाऱ्या एका व्यक्तीला त्या पिशवीत हालचाल झाल्याचं दिसून आलं. तो त्या पिशवीजवळ गेला. त्यानंतर पिशवीत मुलगी असल्याचं पाहून त्याने स्थानिक पोलिसांना या घटनेची माहिती दिली. पोलिसांनी घटनास्थळी धाव घेत त्या मुलीला जवळच्याच एका स्थानिक रुग्णालयात दाखल केले. पुढील उपचारासाठी तिला जे. जे. रुग्णालयात दाखल करण्यात आले असून, तिची प्रकृती स्थिर असल्याचे पोलिसांनी सांगितले.

दरम्यान, भाईंदर पोलिसांनी वालईव पोलिसांच्या मदतीने ड्रायव्हरला वसई येथून अटक केली. त्याने मुलीवर लैंगिक अत्याचार केल्याची कबुली दिली.