सर्वांसाठी लोकल सुरु केल्यामुळे मुंबईत कोरोनाचे रुग्ण वाढले? तज्ञांनी दिला धोक्याचा इशारा

मुंबईत सर्वांसाठी लोकल सुरु केल्यामुळे कोरोनाचे रुग्ण वाढले, अशी शक्यता टास्क फोर्सचे सदस्य शशांक जोशी यांनी व्यक्त केली. गेले काही दिवस मुंबईतील कोरोनाचे रुग्ण झपाट्याने वाढत आहेत. डिसेंबर-जानेवारी महिन्यात दरदिवसाला होणारी कोरोनाची रुग्णांची वाढ नियंत्रणात होती. मात्र, फेब्रुवारीच्या दुसऱ्या आठवड्यापासून कोरोनाचे रुग्ण मोठ्या प्रमाणात वाढत आहेत.

    मुंबई : मुंबईत सर्वांसाठी लोकल सुरु केल्यामुळे कोरोनाचे रुग्ण वाढले, अशी शक्यता टास्क फोर्सचे सदस्य शशांक जोशी यांनी व्यक्त केली. गेले काही दिवस मुंबईतील कोरोनाचे रुग्ण झपाट्याने वाढत आहेत. डिसेंबर-जानेवारी महिन्यात दरदिवसाला होणारी कोरोनाची रुग्णांची वाढ नियंत्रणात होती. मात्र, फेब्रुवारीच्या दुसऱ्या आठवड्यापासून कोरोनाचे रुग्ण मोठ्या प्रमाणात वाढत आहेत.

    सर्वसामान्यांसाठी १ फेब्रुवारीपासून लोकल सेवा सुरु करण्यात आली. त्यानंतर जानेवारीमध्ये दर दिवसाला साडे तीनशे-चारशेच्या जवळपास वाढत असलेली कोरोनाची रुग्णसंख्या फेब्रुवारीच्या दुसऱ्या आणि तिसऱ्या आठवड्यात ८०० पर्यंत वाढते आहे.

    सर्वसामान्य लोकांसाठी लोकल मर्यादित वेळेत जरी सुरु करण्यात आली आहे. असं असलं तरी प्रवाशांची संख्या २० लाखाहून ३५ लाखांपर्यंत पोहोचली. तर दुसरीकडे कोरोनाचे रुग्ण देखील वाढत आहेत. त्यामुळे मुंबईतील कोरोनाचे रुग्ण वाढण्यामागे अनेक कारणे आहेत. त्यात सर्वांसाठी लोकलसेवा सुरु करणे हे सुद्धा एक कारण आहे, असे डॉ. सशांक जोशी यांनी सांगितले.