झोमॅटाच्या ‘IPO’वर गुंतवणुकदारांच्या उड्या; खरेदीसाठी अर्ज करण्याची आजची शेवटची तारीख

भांडवली बाजारात धडकलेल्या फूड डिलिव्हरी (food delivery) स्टार्टअप झोमॅटोच्या (Zomato) समभाग विक्री योजनेला सलग दुसऱ्या दिवशी गुंतवणूकदारांनी (investors) जोरदार प्रतिसाद दिला आहे. आज गुरुवारी दुसऱ्या दिवशी झोमॅटोचा आयपीओ (Zomato's IPO) चार पटीने सबस्क्राईब झाला आहे.

    मुंबई (Mumbai).  भांडवली बाजारात धडकलेल्या फूड डिलिव्हरी (food delivery) स्टार्टअप झोमॅटोच्या (Zomato) समभाग विक्री योजनेला सलग दुसऱ्या दिवशी गुंतवणूकदारांनी (investors) जोरदार प्रतिसाद दिला आहे. आज गुरुवारी दुसऱ्या दिवशी झोमॅटोचा आयपीओ (Zomato’s IPO) चार पटीने सबस्क्राईब झाला आहे. ७१ कोटी ९२ लाख शेअरसाठी आज दुसऱ्या दिवसांपर्यंत ३४४ कोटी ७६ लाख शेअरसाठी (Share Investers) गुंतवणूकदारांनी बोली लावली आहे.

    वाढीव बाजार मूल्याने चर्चेत आलेल्या झोमॅटोच्या आयपीओची गुंतवणुकदारांमधील क्रेझ कायम आहे. सलग दुसऱ्या दिवशी आयपीओला तुफान प्रतिसाद मिळाला आहे. आज गुरुवारी दुसऱ्या दिवशी झोमॅटोचा आयपीओ चार पटीने ओव्हरसबस्क्राईब झाला आहे. काल बुधवारी झोमॅटोचा आयपीओ सबस्क्रिप्शनसाठी खुला झाला. आयपीओ खुला होताच अवघ्या ७५ मिनिटांत किरकोळ गुंतवणूकदारांचा हिस्सा पूर्ण सबस्क्राईब झाला होता. आयपीओ ४.७९ पटीने सबस्क्राईब झाला आहे. या समभाग विक्री योजनेसाठी प्रती समभाग ७२ ते ७६ किंमतपट्टा निश्चित करण्यात आला आहे.

    गुंतवणूकदारांना किमान १९५ समभागांसाठी आणि त्यानंतर १९५ च्या पटीत अर्ज करता येणार आहे. या योजनेत किरकोळ गुंतवणूकदारांसाठी १० टक्के हिस्सा राखीव आहे. शुक्रवार १६ जुलै २०२१ हा गुंतवणूकदारांना झोमॅटोचे समभाग खरेदीसाठी अर्ज करण्यासाठी शेवटचा दिवस आहे.

    आभासी चलनांच्या किमती गडगडल्या ; जाणून घ्या बिटकॉइनसह इतर चलनांचे दर या आयपीओद्वारे ९३७५ कोटींचे ३४४.७६ कोटी समभाग विक्रीसाठी उपलब्ध करण्यात आले आहेत. बिगर संस्थात्मक गुंतवणूकदारांनी राखीव कोट्यापैकी ४५ टक्के शेअरसाठी आतापर्यंत बोली लावली आहे. तर कर्मचाऱ्यांचा राखीव हिस्सा ७.०६ पटीने सबस्काईब झाला आहे. या आयपीओ योजनेत ६५ लाख समभाग पत्र कर्मचाऱ्यांकरिता राखीव ठेवले आहेत.यापूर्वीच मंगळवारी अॅंकर गुंतवणूकदारांकडून ४१९६ कोटी उभारले आहेत.

    कंपनीच्या आर्थिक कामगिरीचा विचार केला तर आर्थिक वर्ष २०२० मध्ये कंपनीला २६०४.७ कोटींचा महसूल मिळाला. २०१९ मध्ये कंपनीला १३१२.५८ कोटींचा महसूल मिळाला होता. दरम्यान, कंपनीच्या नुकसानीत वाढ होत असली तरी तोटा देखील तितकाच वाढल्याचे दिसून आले आहे. आर्थिक वर्ष २०२०मध्ये कंपनीला २३८५.६ कोटींचा तोटा झाला आहे. त्याआधीच्या वर्षात कंपनीला १०१०.२ कोटींचा तोटा झाला आहे.