गर्दी होईल असा एकही राजकीय कार्यक्रम पक्ष घेणार नाही – नवाब मलिक

कोरोनाच्या धरतीवर आणि कोरोनाचे वाढते रुग्ण लक्षात घेता, राष्ट्रवादी काँग्रेस पक्षाने एक महत्वपूर्ण निर्णय घेतला आहेे. गर्दी होईल असा एकही राजकीय कार्यक्रम घेण्यास पक्षाच्यावतीने मनाई करण्यात आली असून, तसे कार्यक्रम पक्षाच्या माध्यमातून होणार नाहीत ही पक्षाची भूमिका असल्याची माहिती राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली आहे.

    मुंबई : कोरोनाचे वाढते रुग्ण लक्षात घेता आणि कोरोनाची संभाव्य तिसरी लाट यामुळं धोका अजून टळलेला नाही, कोरोनाचे संकट अजून कायम आहे, त्यामुळं गर्दी टाळा, संसर्ग वाढेल अशी गर्दी जमवू नका असं आवाहन सर्व राजकीय पक्षांना मुख्यमंत्री उद्धव ठाकरे यांनी मागील आठवड्यात केलं होतं.  त्यात धरतीवर राष्ट्रवादी काँग्रेस पक्षाने एक महत्वपूर्ण निर्णय घेतला आहेे.

    गर्दी होईल असा एकही राजकीय कार्यक्रम घेण्यास पक्षाच्यावतीने मनाई करण्यात आली असून, तसे कार्यक्रम पक्षाच्या माध्यमातून होणार नाहीत ही पक्षाची भूमिका असल्याची माहिती राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली आहे.

    राज्यातील सर्व राजकीय पक्षाच्या पदाधिकाऱ्यांना सार्वजनिक ठिकाणी कार्यक्रम घेऊन गर्दी जमवू नका किंवा एखाद्या कार्यक्रमातून गर्दी होईल असा कार्यक्रम घेऊ नका. थोडे दिवस थांबा असा आग्रह मुख्यमंत्री उद्धव ठाकरे यांनी कॅबिनेटमध्ये धरला आणि तशा सूचना तिन्ही पक्षांच्या पदाधिकार्‍यांना केल्या आहेत.

    त्यामुळे कोरोनाचा वाढता प्रार्दुभाव लक्षात घेता गर्दी टाळण्यासाठी पाऊले टाकली पाहिजेत ही पक्षाची भूमिका असल्याचेही नवाब मलिक यांनी स्पष्ट केले आहे.