Opposition to the Central Government's Tenants Act; Shiv Sena's agitation in Mumbai

केंद्रीय मंत्रिमंडळाने मॉडेल टेनन्सी अॅक्ट म्हणजेच प्रारूप भाडेकरू अधिनियमाच्या मसुद्याला मंजुरी दिली. या नव्या कायद्यानुसार घरमालक आणि भाडेकरू यांच्यातील वाद सोडविण्यासाठी प्रत्येक जिल्ह्यात भाडे प्राधिकारण, न्यायालये आणि लवादांची स्थापना केली जाणार आहे. या नवीन भाडेकरार कायद्याविरोधात शिवसेनेने आज मुंबईत आंदोलन केले आहे. या कायद्यानुसार घरमालक आणि भाडेकरूंच्या संमतीने भाडेकरार संपुष्टात आणण्याची मुदत ठरवण्यात येणार आहे.

    मुंबई : केंद्रीय मंत्रिमंडळाने मॉडेल टेनन्सी अॅक्ट म्हणजेच प्रारूप भाडेकरू अधिनियमाच्या मसुद्याला मंजुरी दिली. या नव्या कायद्यानुसार घरमालक आणि भाडेकरू यांच्यातील वाद सोडविण्यासाठी प्रत्येक जिल्ह्यात भाडे प्राधिकारण, न्यायालये आणि लवादांची स्थापना केली जाणार आहे. या नवीन भाडेकरार कायद्याविरोधात शिवसेनेने आज मुंबईत आंदोलन केले आहे. या कायद्यानुसार घरमालक आणि भाडेकरूंच्या संमतीने भाडेकरार संपुष्टात आणण्याची मुदत ठरवण्यात येणार आहे.

    भाडेकरूंना हद्दपार करण्याचा डाव

    आदर्श भाडेकरू कायद्याच्या नावे मध्यमवर्गीय चाळीतील व इमारतीतील भाडेकरूंना हद्दपार करण्याचा डाव आखला आहे, असा आरोप शिवसेनेचे खासदार अरविंद सावंत यांनी केला आहे. या विरोधात शिवसेनेने दक्षिण मुंबईत केंद्र सरकारविरोधात आंदोलन पुकारले आहे. यावेळी खासदार अरविंद सावंत, उपनेते रविंद्र मिर्लेकर व उपनेत्या मीनाताई कांबळी यादेखील उपस्थित होत्या.

    दादरमध्येही आंदोलन

    मुंबईत दादर येथे सेनाभवन परिसरातही निदर्शने करण्यात आली. खासदार राहुल शेवाळे, आमदार सदा सरवणकर, नगरसेविका श्रद्धा जाधव उपस्थित होते. भाडेकरू कायद्यातील अटी या भाडेकरूसाठी जाचक असल्याचे सांगत शिवसेनेने निषेध व्यक्त केलाय. तसेच आंदोलन बोरीवली भागातही शिवसेनेच्या वतीने आंदोलन करण्यात आले.