हवेत बाण मारुन उपयोग होणार नाही कारण आरोपांमध्ये काहीच तथ्य नाही, प्रविण दरेकरांनी दिलं प्रत्युत्तर

वर्तमान पत्रात बातम्या येत आहेत की मुंबै बँकेत(Mumbai Bank Scam) १२३ कोटी रुपयांचा घोटाळा झाला आहेत. मात्र, हा १२३ कोटी रुपयांचा आकडा आला कुठून असा सवाल दरेकरांनी(Pravin Darekar) विचारला आहे.

    मुंबई: मुंबै बँकेत (Mumbai Bank) झालेल्या बोगस कर्ज वाटप प्रकरणाची पुन्हा चौकशी सुरू करण्यात आली आहे. या प्रकरणात विधान परिषदेचे विरोधी पक्षनेते प्रविण दरेकर (Pravin Darekar) यांच्यावर आरोप करण्यात येत आहेत. या आरोपांना प्रत्युत्तर देत प्रविण दरेकर यांनी आपलं मौन सोडंल आहे. आपल्यावर करण्यात येत असलेल्या आरोपांमध्ये कोणतही तथ्य नाही आणि चौकशीला सामोरं जाण्यास तयार असल्याचंही प्रविण दरेकर यांनी म्हटलं आहे.

    वर्तमान पत्रात बातम्या येत आहेत की मुंबै बँकेत १२३ कोटी रुपयांचा घोटाळा झाला आहेत. मात्र, हा १२३ कोटी रुपयांचा आकडा आला कुठून असा सवालही दरेकरांनी विचारला आहे. प्रविण दरेकर यांनी म्हटलं, कर्ज वाटपाच्या संदर्भातील कोणताही निर्णय माझा वैयक्तिक नाही, निर्णय संचालक मंडळाच्या परवानगीने घेण्यात आले होते. चौकशीला सामोरं जाण्यास तयार असून १०० टक्के चौकशीला सामोरं जाणार असल्याचंही त्यांनी म्हटलं आहे.

    जाणीवपूर्वक अडचणीत आणण्याचा प्रयत्न केला जात असून हा हवेत बाण मारण्याचा प्रयत्न आहे. ठरवून काही लोकांनी बातम्या बनवल्या आहेत. माझ्या विरोधात राजकीय षडयंत्र असल्याचंही यावेळी प्रविण दरेकर यांनी म्हटलं आहे.

    मुंबै बँक ही अत्यंत चांगलं काम करत आहे. मुंबै बँक राज्यातील अव्वल बँक, अ वर्ग दर्जाची बँक आहे. ठेविदारांचा आमच्यावर विश्वास आहे. माझ्यावर खोडसाळपणे आरोप केले जात आहेत. पंकज कोटेजा जे यात मुख्य आहे. या तक्रारीचे उगमस्थान राजकीय आहे. प्रकाश सोळंकी यांच्याकडून जाणीवपुर्वक आमची चौकशी लावून अडचणीत आणण्याचा प्रयत्न झाला पण यातून काहीच साध्य झाल नाही असंही दरेकरांनी म्हटलं आहे.