आता कोरोना टेस्टसाठी डॉक्टरच्या चिठ्ठीची गरज नाही – पालिकेच्या कोरोना तपासणी नियमात फेरबदल

मुंबई :आता डॉक्टरांच्या चिठ्ठीशिवाय मुंबईत खासगी लॅबमध्ये कोरोना टेस्ट करून घेणे शक्य होणार आहे. आतापर्यंत कोरोना चाचणी करण्यास डॉक्टरची चिठ्ठी लागत होती. यापुढे मात्र डॉक्टरची चिठ्ठी लागणार नसल्याचे

मुंबई :आता डॉक्टरांच्या चिठ्ठीशिवाय मुंबईत खासगी लॅबमध्ये कोरोना टेस्ट करून घेणे शक्य होणार आहे. आतापर्यंत कोरोना चाचणी करण्यास डॉक्टरची चिठ्ठी लागत होती. यापुढे मात्र डॉक्टरची चिठ्ठी लागणार नसल्याचे आरोग्य विभागाकडून परिपत्रक काढण्यात आले आहे. यामुळे आता लॅबपर्यंत न जाता नमुने घेण्यासाठी लॅबवाल्यांना घरी बोलावता येणार आहे. परंतु यासाठी एक हमीपत्र द्यावे लागणार आहे. एखाद्याला ५ दिवसांच्या आत लक्षणे जाणवली तर त्याला  हमी पत्रावर आपली टेस्ट करून घेता येणार आहे. पॉझिटिव्ह रुग्णाच्या संपर्कातील तसेच जोखमीच्या संपर्कातील व्यक्तीला पाचव्या आणि दहाव्या दिवशी कोरोना चाचणी करावी लागणार आहे. रुग्णांचा अहवाल पॉझिटिव्ह आल्यास त्याची माहिती पालिकेच्या आरोग्य विभागाला देणे हे लॅबोरेटरीसाठी बंधनकारक करण्यात आले आहे. पॉझिटिव्ह असल्यास बाधित रुग्णाच्या संपर्कात राहून पालिका त्यांच्यावर लक्ष ठेवणार आहे.

कोरोना चाचणीची करु इच्छिणारे अनेक जण खासगी डॉक्टरांकडे जातात, त्यांच्या चिठ्ठीनंतर रुग्णांची तपासणी होत असे. मात्र या प्रक्रियेत डॉक्टरांकडून पैसे उकळले जात असल्याच्या तक्रारीदेखील आल्या होत्या. तर टेस्टसाठी प्रिस्क्रिप्शन लिहून देणाऱ्या काही डॉक्टरांवर पालिकेने कारवाई केल्याने काही डॉक्टरदेखील टेस्टची चिठ्ठी लिहून देण्यास टाळाटाळ करत होते. यात रुग्णांची द्विधा मनःस्थिती होत होती. पण आता या नव्या नियमावलीमुळे टेस्ट करण्याचा अवघड मार्ग काहीसा सोपा झाला असल्याचे बोलले जात आहे.