म्हाडा लॉटरी विजेत्यांना धक्का; घरांच्या किंमती ३.६५ लाखांनी वाढल्या

मुंबई मंडळाने १६ डिसेंबर २०१८ मध्ये १३८४ घरांसाठी लॉटरी काढली होती. या लॉटरीत मानखुर्द मधील २६५ घरांचा समावेश होता. अल्प गटातील संकेत क्रमांक ३५२ मधील पीएमजीपी मानखुर्द येथील १ बीएचकेच्या (२७.८८ चौ.मी.) या २६५ घरांसाठी मंडळाने २५ लाख ५७ हजार ५२४ रुपये अशी किंमत निश्चित करत लॉटरी काढली होती. लॉटरीत म्हाडाने २६५ घरांची किंमत २५ लाख ५७ हजार अशी होती. याच किंमती घराचा ताबा मिळणार म्हणत विजेते ही रक्कम जमा करत होते. पण आता आठवड्याभरापासून विजेत्यांच्या हातात पत्र पडू लागली आहेत. ही पत्र वाचून विजेत्यांना धक्का बसत आहे.

    मुंबई : म्हाडाच्या २०१८ च्या मानखुर्दमधील २६५ विजेत्यांना म्हाडाच्या मुंबई मंडळाने धक्काच दिला आहे. २०१८ मध्ये मुंबई मंडळाने या घरांची किंमत २५ लाख रुपये निश्चित केली. तर आता तीन वर्षांनंतर घरांच्या किमती अचानक थेट ३ लाख ६५ हजारांनी वाढली आहे. त्यानुसार विजेत्यांना पत्र पाठवण्यात आले असून यामुळे विजेते मात्र नाराज झाले आहेत.

    मुंबई मंडळाने १६ डिसेंबर २०१८ मध्ये १३८४ घरांसाठी लॉटरी काढली होती. या लॉटरीत मानखुर्द मधील २६५ घरांचा समावेश होता. अल्प गटातील संकेत क्रमांक ३५२ मधील पीएमजीपी मानखुर्द येथील १ बीएचकेच्या (२७.८८ चौ.मी.) या २६५ घरांसाठी मंडळाने २५ लाख ५७ हजार ५२४ रुपये अशी किंमत निश्चित करत लॉटरी काढली होती.

    लॉटरीत म्हाडाने २६५ घरांची किंमत २५ लाख ५७ हजार अशी होती. याच किंमती घराचा ताबा मिळणार म्हणत विजेते ही रक्कम जमा करत होते. पण आता आठवड्याभरापासून विजेत्यांच्या हातात पत्र पडू लागली आहेत. ही पत्र वाचून विजेत्यांना धक्का बसत आहे. जे घर आपण लॉटरीत २५ लाख ५७ हजारांत जिंकलो त्या घरासाठी आता आपल्याला २९ लाख १७ हजार रुपये भरावे लागणार असल्याचे वाचून त्यांना हा धक्का बसत आहे.

    तीन वर्षांनंतर घरांच्या किमती थेट ३ लाख ६० हजारानी कशा वाढल्या हा प्रश्न त्यांना सतावत आहे. पण म्हाडा मात्र बांधकाम पूर्ण झाल्यानंतर घराच्या किमतीत वाढ करता येते. तशी तरतूद आहे असे म्हणत या वाढीचे समर्थन केले आहे. पण तीन वर्षांनंतर म्हाडाला कशी जाग येते असे म्हणत विजेत्यांनी मात्र यावर नाराजी व्यक्त केली आहे. तर ही वाढ मागे घेण्याची मागणी केली आहे. दरम्यान याविषयी मुंबई मंडळाचे मुख्य अधिकारी योगेश म्हसे यांना विचारले असता त्यांनी याबाबत सद्या आपल्याकडे माहिती नाही, माहिती तपासून सांगतो असे म्हटले आहे.