लॉकडाऊनमध्ये दारुची दुकाने सुरु करू नयेत –  आठवले

मुंबई: कोरोनाला नष्ट करण्यासाठी लॉकडाऊन पाळणे आवश्यक आहे.लॉकडाऊनच्या काळात दारूची दुकाने बंद असल्याने अनेकांचे दारूचे व्यसन सुटले आहे. महसुलासाठी लॉकडाऊनच्या काळात पुन्हा दारूची दुकाने सुरू

मुंबई: कोरोनाला नष्ट करण्यासाठी लॉकडाऊन पाळणे आवश्यक आहे.लॉकडाऊनच्या काळात दारूची दुकाने बंद असल्याने अनेकांचे  दारूचे व्यसन सुटले आहे. महसुलासाठी लॉकडाऊनच्या काळात पुन्हा दारूची दुकाने सुरू करण्याचा निर्णय घेतला तर कोट्यवधी लोकांच्या आनंदावर विरजण टाकणारा तो अन्यायकारक निर्णय असेल. त्यामुळे दारूची दुकाने लॉकडाऊनच्या काळात सुरू करू नयेत, अशी मागणी रिपब्लिकन पक्षाचे राष्ट्रीय अध्यक्ष केंद्रीय राज्यमंत्री रामदास आठवले यांनी केली आहे. त्यासाठी  आठवले मुख्यमंत्री उद्धव ठाकरे यांना पत्र लिहिणार आहेत. नुकतेच मनसेचे नेते राज ठाकरे यांनी मुख्यमंत्री उद्धव ठाकरेंना  पत्र लिहून लॉकडाऊनच्या काळात महसूलवाढीसाठी दारूची दुकाने सुरू करण्याची मागणी केली आहे. त्या पार्श्वभूमीवर रामदास आठवले यांनी लॉकडाऊनच्या काळात दारूची दुकाने सुरू करण्यास तीव्र विरोध केला आहे. लॉकडाऊनमध्ये दारू कुठेही मिळत नाही. त्यामुळे अनेकांचे दारूचे व्यसन सुटले आहे. त्यामुळे ज्यांचे दारूचे व्यसन सुटले त्यांच्या कुटुंबात आनंद आहे. आता पुन्हा लॉकडाऊनमध्ये जर दारूची दुकाने सुरू करण्याचा विचार राज्य शासनाने केला तर तो  चुकिचा निर्णय ठरेल, असे रामदास आठवले यांनी संगितले.