भाजपचे नेते सुधीर मुनगंटीवार
भाजपचे नेते सुधीर मुनगंटीवार

शेतकऱ्यांच्या समर्थनार्थ 'भारत बंद'ला पाठिंबा देणाऱ्या महाविकास आघाडीतील तिन्ही पक्षांवर भाजपचे नेते सुधीर मुनगंटीवार यांनी जोरदार टीका केली आहे. राष्ट्रवादी काँग्रेसचे अध्यक्ष शरद पवार यांचं पत्र व शिवसेनेच्या आधीच्या भूमिकांच्या अनुषंगानंही मुनगंटीवार यांनी भाष्य केलं. 'आज काही राजकीय पक्षांना राजकीय विस्मरणाचा आजार झालाय. ज्याला 'पोलिटिकल अल्झायमर' म्हणता येईल,' असंही ते म्हणाले. शिवसेनेचे खासदार संजय राऊत यांनाही त्यांनी टोला हाणला.केंद्र सरकारनं आणलेल्या नव्या कृषी कायद्यांच्या विरोधातील शेतकऱ्यांचं आंदोलन चिघळलं असून उद्या 'भारत बंद'ची हाक देण्यात आली आहे.

  • शिवसेनेचे खासदार संजय राऊत यांना लगावला टोला

मुंबई (Mumbai).  शेतकऱ्यांच्या समर्थनार्थ ‘भारत बंद’ला पाठिंबा देणाऱ्या महाविकास आघाडीतील तिन्ही पक्षांवर भाजपचे नेते सुधीर मुनगंटीवार यांनी जोरदार टीका केली आहे. राष्ट्रवादी काँग्रेसचे अध्यक्ष शरद पवार यांचं पत्र व शिवसेनेच्या आधीच्या भूमिकांच्या अनुषंगानंही मुनगंटीवार यांनी भाष्य केलं. ‘आज काही राजकीय पक्षांना राजकीय विस्मरणाचा आजार झालाय. ज्याला ‘पोलिटिकल अल्झायमर’ म्हणता येईल,’ असंही ते म्हणाले. शिवसेनेचे खासदार संजय राऊत यांनाही त्यांनी टोला हाणला.केंद्र सरकारनं आणलेल्या नव्या कृषी कायद्यांच्या विरोधातील शेतकऱ्यांचं आंदोलन चिघळलं असून उद्या ‘भारत बंद’ची हाक देण्यात आली आहे.

राज्यातील महाविकास आघाडीतील तीनही पक्षांनी या बंदला पाठिंबा दिला आहे. महाआघाडीच्या या भूमिकेवर भाजपचे नेते सुधीर मुनगंटीवार यांनी कडाडून टीका केली आहे. महाविकास आघाडीची भूमिका आश्चर्यकारक असल्याचं मुनगंटीवार म्हणाले. ‘जे राजकीय पक्ष सातत्यानं देशातील निवडणुकांमध्ये पराभूत होत आहेत. त्यांना शेतकऱ्यांच्या या आंदोलनाच्या माध्यमातून कृषीकारण नव्हे, तर राजकारण करायचं आहे. त्यांना शेतकऱ्यांच्या हिताची चिंता नाही. त्यांना आपल्या कुटुंबातील सदस्यांच्या भविष्याची चिंता आहे. शेतकऱ्यांचं भविष्य त्यांच्यासाठी गौण आहे,’ अशी टीका मुनगंटीवार यांनी कोणाचेही नाव न घेता केली. ते एका या वृत्तवाहिनीशी बोलत होते.

‘महाराष्ट्रात काँग्रेस-राष्ट्रवादीची ४७ वर्षे, दोन महिने, एक दिवस त्यांची सत्ता होती. शिवसेनेसोबतचं एक वर्ष जमेस धरल्यास हा आकडा ४७ वर्षे, दोन महिने, एक दिवस इतका होतो. दुसरीकडं, देशात काँग्रेसची ५२ वर्षांहून अधिक काळ त्यांची सत्ता होती. मग असं काय झालं की ज्या कृषी क्षेत्राला आपण उत्तम शेती, मध्यम व्यापार, कनिष्ठ नोकरी म्हणायचो, त्याची व्याख्या का बदलली? याचं कधी चिंतन केलं आहे का?,’ असा सवाल त्यांनी केला.

राष्ट्रवादी काँग्रेसचे अध्यक्ष शरद पवार यांचं पत्र व शिवसेनेच्या आधीच्या भूमिकांच्या अनुषंगानंही मुनगंटीवार यांनी भाष्य केलं. ‘आज काही राजकीय पक्षांना राजकीय विस्मरणाचा आजार झालाय. ज्याला ‘पोलिटिकल अल्झायमर’ म्हणता येईल,’ असंही ते म्हणाले. शिवसेनेचे खासदार संजय राऊत यांनाही त्यांनी टोला हाणला.