१०१ रुग्णालयांकडे नाही अग्निशामक व्यवस्था; महापालिकेच्या Audit रिपोर्टमधून धक्कादायक सत्य उघड

आग रोखण्यासाठीच्या (fire prevention facilities) इतर सोयी तर सोडाच, पण साधे अग्निशामकही (fire extinguishers) नाही, अशी बेजबाबदार १०१ रुग्णालये शहरात आहेत. महापालिकेने (Nagpur Municipal Corporation) केलेल्या ऑडिटमध्ये ही धक्कादायक बाब उघडकीस आली.

    नागपूर (Nagpur).  आग रोखण्यासाठीच्या (fire prevention facilities) इतर सोयी तर सोडाच, पण साधे अग्निशामकही (fire extinguishers) नाही, अशी बेजबाबदार १०१ रुग्णालये शहरात आहेत. महापालिकेने (Nagpur Municipal Corporation) केलेल्या ऑडिटमध्ये ही धक्कादायक बाब उघडकीस आली. सध्या तरी एवढी रुग्णालये (hospitals) आढळली. पाहणी अजून सुरूच आहे.

    करोनाच्या दुसऱ्या लाटेत नागपूरसह राज्यातील रुग्णालयांमधील अतिदक्षता विभागात आगीच्या घटना घडल्या. उपचार घेत असलेल्या रुग्णांना प्राणही गमवावे लागले. यानंतर सर्व रुग्णालयांचे ‘फायर ऑडिट’ करण्याच्या सूचना देण्यात आल्या होत्या. महापालिकेतर्फे शहरात करण्यात आलेल्या या ऑडिटमध्ये १३८ रुग्णालये धोकादायक असल्याचे अग्निशमन व आपातकालीन विभागाने स्पष्ट केले आहे. नाशिकच्या घटनेनंतर रुग्णालयांमधील सुरक्षेची पाहणीच्या सूचना देण्यात आल्या.

    मध्य भारतातील मेडिकल हब अशी ओळख असलेल्या नागपुरात ६०० रुग्णालये आहेत. यातील २५५ रुग्णालयांचे आतापर्यंत महापालिकेने पाहणी केली. यात जवळपास पन्नास टक्के रुग्णालये धोकादायक असल्याचे पुढे आले. शहरातील सर्व रुग्णालयांची तपासणी अजून पूर्ण व्हायची आहे. सध्या केवळ २५५ रुग्णालयांची तपासणी पूर्ण झाली असल्याचे अग्निशमन विभागातील वरिष्ठ अधिकाऱ्यांनी ‘मटा’ला सांगितले.

    अग्निशमन विभागातर्फे तपासणी करण्यात आलेल्या शहरातील २५५पैकी १८४ रुग्णालयांनी नाहरकत प्रमाणपत्र, तर ७० रुग्णालयांनी अंतिम नाहरकत प्रमाणपत्र घेतलेले आहे. केवळ ४० रुग्णालयांनीच अग्निशमन यंत्रणेसंबंधी असलेल्या निकषांची पूर्तता केली. विभागाकडून करण्यात आलेल्या पाहणीत ज्या १३८ रुग्णालयांमध्ये अग्निशमन यंत्रणा व सुरक्षेच्या अभाव आढळून आला आहे.

    अशा इमारतींच्या मालकांना नोटीस बजावण्यात आली. या सर्व ठिकाणी अग्निशमन यंत्रांची तत्काळ उभारणी करण्यात यावी, अशा सूचना देण्यात आल्या होत्या. यानंतरही केवळ ३९ रुग्णालयांनीच विभागाकडून सुचवण्यात आलेल्या उपाययोजना केल्या. वारंवार सांगूनही उपाययोजना न करण्यात आल्याने सुमारे १०१ रुग्णालयांच्या इमारती धोकादायक ठरवण्यात आल्या आहेत.

    वीज, पाणी कापण्याच्या सूचना
    अग्निशमन सुरक्षेच्या उपाययोजना करण्यात अपयशी ठरल्यानंतर शहरातील ३२ रुग्णालयांच्या इमारतींचा वीज व पाणीपुरवठा खंडित करण्यात यावा, असे महावितरण व महापालिकेच्या जलप्रदाय विभागाला कळवण्यात आले. धोकादायक असलेल्या दोन इमारतींसाठी शहर पोलिसांची मदत घेण्यात आली आहे. तसेच अग्निशमन यंत्रणा लावण्यात अपयशी ठरलेल्या तीन रुग्णालयांच्या मालकांविरुद्ध तक्रारही दाखल करण्यात आली आहे.

    नकाशाही मंजूर नाही
    अग्निशन विभागाकडून करण्यात आलेल्या पाहणीत ६३ रुग्णालयांच्या बांधकामाचा नकाशा मंजूर नसतानाही ते सुरू असल्याचे लक्षात आले आहे. त्यामुळे विभागाकडून अशा रुग्णालयांची यादी नगरविकास वि‌भागाला पुढील कारवाईसाठी सोपवण्यात आल्याची माहिती आहे. ३७ रुग्णालयांनीच त्यांच्या इमारतीचे फायर ऑडिटची प्रक्रिया पूर्ण केली असल्याचे पाहणीत पुढे आले.