कोरोनाची दुसरी लाट झेलली, तिसऱ्या लाटेचा सामना करण्यासाठी प्रशासन सज्ज; महापौरांनी व्यक्त केला विश्वास

कोरोनाच्या दुसऱ्या लाटेत (The second wave of corona) शहरातील आरोग्यव्यवस्था (the city health system collapse) कोलमडल्याचे बघायला मिळाले. त्यामुळे भविष्यात ती बळकट करण्याचे प्रयत्न नागपूर महापालिकेत सत्ताधारी (Nagpur Municipal Corporation) असलेल्या भाजपच्यावतीने करण्यात येतील, अशी अपेक्षा होती.

    नागपूर (Nagpur).  कोरोनाच्या दुसऱ्या लाटेत (The second wave of corona) शहरातील आरोग्यव्यवस्था (the city health system collapse) कोलमडल्याचे बघायला मिळाले. त्यामुळे भविष्यात ती बळकट करण्याचे प्रयत्न नागपूर महापालिकेत सत्ताधारी (Nagpur Municipal Corporation) असलेल्या भाजपच्यावतीने करण्यात येतील, अशी अपेक्षा होती. मात्र, शुक्रवारी सादर झालेल्या २०२१-२२ च्या अर्थसंकल्पात (in the 2021-22 budget) केवळ ५५ कोटींची तोकडी तरतूद आरोग्य क्षेत्रासाठी (the health sector) करण्यात आल्याने आश्चर्य व्यक्त करण्यात येत आहे.

    शहरातील आरोग्यव्यवस्था बळकट करण्यासोबतच तिसऱ्या लाटेला तोंड देण्यासाठी महापालिका प्रशासन सज्ज असल्याचे महापौर दयाशंकर तिवारी आणि स्थायी समितीचे सभापती प्रकाश भोयर यांनी पत्रपरिषदेत सांगितले. आरोग्यव्यवस्थेसाठी निधीची तरतूद कमी असल्याचे मान्य करीत तिवारी व भोयर यांनी आवश्यकता भासल्यास इतर विभागाचा निधी वळता करण्यात येईल, असेही स्पष्ट केले. अर्थसंकल्पात करोना प्रतिबंधक लशीच्या खरेदीसाठी १० कोटींची तरतूद करण्यात आली आहे.

    दरम्यान, जागतिक निविदेच्या माध्यमातून लस मिळवण्यासाठी महापालिकेला ३० कोटी रुपयांची आवश्यकता भासेल. याशिवाय, महापालिकेने शहरातील नगरसेवक, खासदार, आमदार व लोकप्रतिनिधींना त्यांना मिळणारा निधी या मोहिमेसाठी वळता करावा, असे आवाहन केले असल्याचे महापौरांनी यावेळी सांगितले.

    ‘तिसरी लाट आल्यास त्याचा प्रतिकार करण्यासाठी महापालिका सज्ज आहे. यासाठी महापालिकेने केटीनगर, इंदिरा गांधी रुग्णालय आणि पाचपावली रुग्णालय येथे १०० खाटांची व्यवस्था केली आहे. विशेष म्हणजे लहान मुलांना तिसऱ्या लाटेत धोका राहणार असल्याचे बघता केवळ त्यांच्यासाठीच ही व्यवस्था करण्यात आली आहे’, असे प्रकाश भोयर यांनी सांगितले.

    नवजातांसाठी ‘मिल्क बँक’
    करोनाकाळात आईला करोनाची लागण झाल्याने नवजात शिशूंना स्तनपान करण्याची अडचण निर्माण झाली. त्यामुळे या समस्येवर तोडगा म्हणून महापालिकेच्यावतीने ‘मदर मिल्क बँक’ तयार करण्यात येणार आहे. या महामारीच्या काळात नवजात शिशूंच्या पालकांना अनेक अडचणींना तोंड द्यावे लागत आहे. त्यामुळे खास महापौरांच्या आग्रहावरून अर्थसंकल्पात या प्रकल्पासाठी निधीची तरतूद करण्यात आली आहे. देशातील अनेक मोठ्या शहरांमध्ये अशाप्रकारच्या ‘ह्युमन मिल्क बँक’ आहेत.

    ‘वंदे भारत’ला बळ
    महापौर दयाशंकर तिवारी यांच्या वंदे भारत ‘हेल्थ क्लिनिक’ या प्रकल्पासाठी अर्थसंकल्पात तरतूद करण्यात आली आहे. याद्वारे शहरात ७५ आरोग्य केंद्रे स्थापन करण्यात येतील. यासाठी शहरातील ८९ ठिकाणांची पाहणी करण्यात येईल. स्वयंसेवी संस्था आणि डॉक्टरांच्या माध्यमातून शहरातील नागरिकांना या केंद्रांतून आरोग्याच्या मोफत सुविधा देण्यात येतील.

    शिबिरांद्वारे ‘स्क्रीनिंग’
    महापालिका शहरातील सहा विधानसभा मतदारसंघात करोनानंतरच्या आरोग्य तपासणीसाठी आरोग्य शिबिर घेणार आहे. यामध्ये एप्रिल ते मे महिन्यात करोनाबाधित झालेल्या रुग्णांची तपासणी करण्यात येईल. यासाठी अशा सर्व रुग्णांची माहिती मिळवण्यात येत असल्याचे तिवारी यांनी यावेळी सांगितले. करोनानंतर उद्भवलेल्या म्युकरमायकोसिस, दंत, नाक, कान, घसा किंवा श्वसनासंबंधी काही त्रास नागरिकांमध्ये निर्माण झाला आहे का, याची तपासणी शिबिरांत करण्यात येणार आहे.

    सिकलसेल संशोधन केंद्र
    महापालिकेच्यावतीने सिकलसेल रुग्णांसाठी पाचपावलीच्या महिला रुग्णालयात संशोधन केंद्र सुरू करण्यात येणार आहे. केंद्र शासनाच्या योजनेच्या साहाय्याने महापालिका सिकलसेल रुग्णांना डे केअर, समुपदेशन व इतर उपचाराची सोय उपलब्ध करून देण्यात येणार आहे.