मुसळधार पावसाने नागपूर जलमय; धो-धो पावसाने संत्रा नगरी थांबली!

मुसळधार पावसामुळे ऑनलाईन फूड डिलेव्हरी पूर्णपणे ठप्प झाली आहे, तर दुसरीकडे पावसाचा जोर पाहता अनेक दुकाने उघडलीच नाही.

    नागपूर. नागपुरात आज सकाळपासूनच मुसळधार पावसाने हजेरी लावली (Heavy rainfall in nagpur). सतत ४ तास कोसळल्या मुसळधार पावसामुळे शहरातले रस्ते जलमय झाले असून अनेक ठिकाणी रस्त्यांना तलावाचे स्वरूप आलेले आहे. मुसळधार पावसामुळे झाडांची पडझड झाली. शहरातील सीताबर्डी, गणेशपेठ, अजनी या भागात मोठ्या प्रमाणात पाणी साचले असून वाहने पाण्याखाली आली आहेत.

    मुसळधार पावसामुळे ऑनलाईन फूड डिलेव्हरी पूर्णपणे ठप्प झाली आहे, तर दुसरीकडे पावसाचा जोर पाहता अनेक दुकाने उघडलीच नाही.

    गेल्या काही दिवसांपासून कडाक्याच्या उंन्हाने त्रस्त असलेल्या नागपूरकरांना आज थोडा गारवा अनुभवायला मिळाला.