फार्म हाऊसमध्ये दरोडा टाकून एकाची हत्या; पैसे ठेवणारेच निघाले चोर; ग्रामीण पोलिसांची कारवाई

फार्म हाऊसमध्ये दरोडा टाकून एकाची हत्या करणाऱ्या दोन आरोपींना (accused in a robbery) बेड्या ठोकण्यात (arrested) नागपूर ग्रामीण पोलिसांना (Nagpur Rural Police) यश आलं आहे. विशेष म्हणजे पोलिसांनी आरोपींकडून चोरीला गेलेल्या ३७ लाख रुपये देखील ताब्यात घेतले आहे.

    नागपूर (Nagpur).  फार्म हाऊसमध्ये दरोडा टाकून एकाची हत्या करणाऱ्या दोन आरोपींना (accused in a robbery) बेड्या ठोकण्यात (arrested) नागपूर ग्रामीण पोलिसांना (Nagpur Rural Police) यश आलं आहे. विशेष म्हणजे पोलिसांनी आरोपींकडून चोरीला गेलेल्या ३७ लाख रुपये देखील ताब्यात घेतले आहे. नागपूर ग्रामीण पोलिसांच्या या कारवाईने (investigating the incident) त्यांचं कौतुक केलं जात आहे. संबंधित घटना ही २० जून रोजी घडली होती. पोलिसांनी तीन दिवसात या घटनेचा छडा लावला आहे. विशेष म्हणजे फार्म हाऊसमध्ये काम करणाऱ्या दोन कर्मचाऱ्यांनीच हे कृत्य केलं.

    नेमकं प्रकरण काय?
    ज्ञानेश्वर फुले नामक वकिलाचे कुही येथील मांगली शिवारात शेती आणि फार्म हाऊस आहे. त्यांनी शेतीची देखरेख करण्यासाठी नरेश दशरथ कुरुडकर यांना जबाबदारी दिली होती. ज्ञानेश्वर फुले हे त्यांच्या पत्नीसह सोमवारी (20 जून) शेतावर गेले होते. त्यावेळी त्यांना त्यांच्या शेतावर काम करणारा नरेश कुरुडकरचा मृतदेह दिसून आला. त्यांनी तातडीने याबाबत कुही पोलिसांना माहिती दिली. या घटनेचा तपास करत असताना फार्म हाऊसमध्ये ठेवलेली रक्कम सुद्धा चोरीला गेल्याची माहिती समोर आली (Thiefs murder man and robbed money in Farm house at Nagpur).

    पोलिसांनी तपास कसा केला?
    पोलिसांनी फिर्यादींच्या तक्रारीनुसार तपासाची चक्रे फिरवली. फार्म हाऊसमध्ये ज्या व्यक्तीने पैसे ठेवले त्याच व्यक्तीने पैसे लुबाडण्याच्या हेतून कदाचित दरोडा टाकून नरेश याचा खून केला असावा, असा अंदाज बांधण्यात आला. पोलिसांनी शेतात काम करणाऱ्या सर्व कामगारांची कसून चौकशी केली. या चौकशी दरम्यान पोलिसांना अविनाश नरुळे आणि राकेश महाजन यांच्यावर संशय आला. पोलिसांनी त्यांची कसून चौकशी केली असता आरोपींनी आपला गुन्हा कबूल केला.

    आरोपींकडून ३७ लाख हस्तगत
    दरम्यान, ज्ञानेश्वर फुले यांच्या फ्रॉम हाऊस मधून नेमकी किती रक्कम चोरीला गेली या संदर्भात संभ्रम आहे. मात्र पोलिसांनी अविनाश नरुळे आणि राकेश महाजन या दोन आरोपींकडून 37 लाख रुपये जप्त केले आहेत.