नाशिकच्या टांकसाळीतून 5 लाखांच्या नोटा गायब

    नाशिक : भारतीय चलनी नोटा छापण्याच्या टांकसाळीतून 5 लाख रुपयांच्या नोटा गायब झाल्याची खळबळजनक घटना समोर आली आहे. देशातील सर्वोत्कृष्ट सुरक्षा व्यवस्था असलेल्या करन्सी नोट प्रेसमधून ही चोरी झाल्याने प्रशासनाच्या चिंता वाढल्या आहेत. एवढी सुरक्षा व्यवस्था असूनही पाच लाख रुपयांचा हिशोब लागत नसल्यानं हे पैसे नेमके कुठे गेले असा प्रश्न प्रशासनाला पडला आहे. याप्रकरणी मुद्रणालय प्रशासकीय यंत्रणेसोबत पोलिसांनीही मौन बाळगले आहे.

    नाशिकमधील संबंधित करन्सी नोट प्रेसमध्ये भारतीय चलनी नोटांची छापाई केली जाते. याठिकाणी वर्षासाठी दोन ते अडीच हजार दशलक्ष किमतीच्या नोटा छापल्या जातात. त्यामुळे या कारखान्याला अत्याधुनिक सुरक्षा व्यवस्था देण्यात आली आहे. देशात नोटाबंदी जाहीर केल्यानंतर याचं कारखान्यात दिवसरात्र छापाई करून देशातील नागरिकांना नोटा पुरवण्यात आल्या होत्या. आता याच मुद्रणालयात चोरीचा हा धक्कादायक प्रकार पुढे आला आहे. त्यामुळे मुद्रणालय व्यवस्थेत खळबळ उडाली आहे. छ

    पाईच्या कारखान्यातून चलनी नोटा गायब झाल्याने मागील काही काळापासून गोपनीयरीत्या विभागीय चौकशी सुरू होती. पण सोमवारी मुद्रणालयातील अधिकारी उपनगर पोलीस ठाण्यात पोहोचले तेव्हा हे प्रकरण उघडकीस आले आहे. ही घटना राष्ट्रीय सुरक्षा आणि राष्ट्रीय आर्थिक व्यवहाराशी संबंधित असल्यानं संबंधित मुद्रणालय प्रशासन आणि पोलिसांनी मौन बाळगले आहे.