४ वर्षाच्या चिमुकलीने केली गंभीर आजारावर मात ; जिल्ह्यातील पहिलीच घटना

लासलगाव जवळील ब्राम्हणगाव विंचूर येथील दत्तू टर्ले यांना दोन महिन्यांपूर्वी कोरोनाची बाधा झाली होती त्यावेळी सईला ही कोरोनाची बाधा झाली मात्र त्रास न झाल्याने दुर्लक्ष करणे चांगले महागात पडले अचानक सईला ताप आले सर्व तपासण्या करण्यात आल्या ताप काही कमी होत नसल्याने लासलगाव येथील बालरोग तज्ञ डॉ भुपेंद्र पाटील यांच्याकडे उपचारासाठी दाखल करण्यात आले डॉक्टरांनी मल्टी सिस्टीम इनफेल्मेट्री डिसऑर्डर चिल्ड्रन या आजाराची तपासणी केल्यानंतर डॉक्टरांसह या चिमुकलीच्या कुटुंबाच्या पायाखालची वाळूच सरकली

    लासलगाव : कांद्याची नगरी म्हणून ओळख असलेल्या लासलगावातील ४ वर्षाच्या चिमुकलीने कोरोनानंतर जीवघेण्या मल्टी सिस्टीम इनफेल्मेट्री डिसऑर्डर चिल्ड्रन या गंभीर आजारावर यशस्वी मात करत आज घरवापसी केली आहे. नाशिक जिल्ह्यातील पहिला रुग्ण आढल्याने आरोग्य विभागाचे चांगले धाबे दणाणले होते.

    लासलगाव जवळील ब्राम्हणगाव विंचूर येथील दत्तू टर्ले यांना दोन महिन्यांपूर्वी कोरोनाची बाधा झाली होती त्यावेळी सईला ही कोरोनाची बाधा झाली.  मात्र त्रास न झाल्याने दुर्लक्ष करणे चांगले महागात पडले अचानक सईला ताप आला.  सर्व तपासण्या करण्यात आल्या ताप काही कमी होत नसल्याने लासलगाव येथील बालरोग तज्ञ डॉ भुपेंद्र पाटील यांच्याकडे उपचारासाठी दाखल करण्यात आले.  डॉक्टरांनी मल्टी सिस्टीम इनफेल्मेट्री डिसऑर्डर चिल्ड्रन या आजाराची तपासणी केल्यानंतर डॉक्टरांसह या चिमुकलीच्या कुटुंबाच्या पायाखालची वाळूच सरकली.  मल्टी सिस्टीम इनफेल्मेट्री डिसऑर्डर चिल्ड्रन तपासणी अहवाल पॉझिटिव्ह आल्याने मुंबई येथील नानावटी रुग्णालयाच्या डॉक्टरांचा सल्ला आणि मार्गदर्शन घेत लासलगाव सारख्या ग्रामीण भागात ४ वर्षांच्या चिमुकलीवर योग्य उपचार करत बरे केल्याने सईच्या कुटुंबाने डॉक्टर आणि रुग्णालयाच्या सर्व कर्मचाऱ्यांचे सत्कार करून आभार मानले आहे.