…नाही तर डॉक्टरांना १ कोटींचा दंड भरावा लागेल; योगी सरकारचा महत्त्वाचा निर्णय

बिहार : उत्तर प्रदेशातील शासकीय रुग्णालयांमध्ये डॉक्टरांची संख्या कमी आहे. याचा गंभीर परिणाम वैद्यकीय सेवेवर होत आहे. यावर तोडगा  काढण्यासाठी योगी सरकारने एक महत्वाचा निर्णय घेतला आहे.

डॉक्टरकीची पदवी घेतल्यानंतर १० वर्षे शासकीय रुग्णालयात काम करणं उत्तर प्रदेश सरकारने सक्तीचं केलं आहे. जर, मध्येच सेवा सोडली, तर डॉक्टरांना १ कोटी रुपये दंड भरावा लागणार आहे. वैद्यकीय पदव्युत्तर पदवी उत्तीर्ण झालेल्या डॉक्टरांना १० वर्षे शासकीय रुग्णालयांमध्ये काम करणं अनिवार्य करण्याचा निर्णय योगी सरकारने घेतला आहे.

डॉक्टरांची संख्या वाढवण्यासाठी सरकारनं नीट मधूनही सुट देण्याची तयारीही सरकारने केली आहे. उत्तर प्रदेशात सध्या वैद्यकीय शिक्षण पूर्ण केल्यानंतर ग्रामीण एक वर्ष नोकरी केल्यास १० अंकांची सूट दिली जाते. तर दोन वर्ष सेवा केल्यास २० अंकांची सूट देण्यात येते. त्याचबरोबर डॉक्टर पदव्युत्तर अभ्यासक्रमाबरोबरच इतर प्रमाणपत्र अभ्यासक्रमांनाही प्रवेश घेऊ शकतात.