Falling ill after Panchamrit bath, devotees do not have darshan for 15 days Lord Jagannath also became a quarantine

कोरोना साथरोगाच्या काळात अनेक शब्दांचे अर्थ जनतेला समजू लागले आहेत. वैद्यकीय भाषेतील हे शब्द आता लोकांच्या जीभेवर इतके रुळले आहेत की लहान मुलेही त्याचे सहजतेने उच्चारण करतात. कोरोनाकाळात अनेक जण क्वारंटाईन झाले होते. आता त्याची लागण देवालाही झाली आहे. राजस्थानातील उदयपूर, कोटा येथे ज्येष्ठ शुक्ल पौर्णिमेनिमित्त झालेल्या पंचामृत स्नानानंतर भगवान जगन्नाथ आजारी पडले असून त्यांनी स्वत:ला 15 दिवस क्वारंटाईन केले आहे.

    रायपूर : कोरोना साथरोगाच्या काळात अनेक शब्दांचे अर्थ जनतेला समजू लागले आहेत. वैद्यकीय भाषेतील हे शब्द आता लोकांच्या जीभेवर इतके रुळले आहेत की लहान मुलेही त्याचे सहजतेने उच्चारण करतात. कोरोनाकाळात अनेक जण क्वारंटाईन झाले होते. आता त्याची लागण देवालाही झाली आहे. राजस्थानातील उदयपूर, कोटा येथे ज्येष्ठ शुक्ल पौर्णिमेनिमित्त झालेल्या पंचामृत स्नानानंतर भगवान जगन्नाथ आजारी पडले असून त्यांनी स्वत:ला 15 दिवस क्वारंटाईन केले आहे.

    यामुळे आगामी 15 दिवस भक्तांना त्यांचे दर्शन होणार नाही. दुसरीकडे पुजाऱ्यांनीही देवाला विश्रांती मिळावी व उपचार व्हावेत यासाठी मंदिराचे पट बंद केले आहे. तसेच शयनकक्षही तयार केला आहे. त्यांना उपचार स्वरुप लवंग, काळी मिरची व तुळशीपत्र अर्पण केले जात आहेत.

    400 वर्षांची परंपरा

    जुन्या वस्तीतील जगन्नाथ मंदिराचे महंत रामसुंदरदास यांनी दिलेल्या माहितीनुसार ज्येष्ठ पौर्णिमेला जगन्नाथ, मोठा भाऊ बलदाऊ आणि बहिण सुभद्रा यांचे श्रीविग्रह गर्भगृहातून बाहेर आणून प्रांगणात ठेवले होते. भाविकांनी आपल्या हाताने देवांना स्नान करविले. जुन्या वस्तीतील जगन्नाथ मंदिरांचे मंदिर ऐतिहासिक असून 400 वर्षांपासूनची ही देवस्नान परंपरा आजतागायत सुरू आहे. विशेष म्हणजे कोरोना संक्रमणामुळे मंदिराचे कपाट बंदच आहेत.

    काढा देणार, नेत्रोत्सवही साजरा होणार

    आजारी असलेल्या जगन्नाथांना आता मंदिरातील पुजारी काढा देणार आहेत. त्यानंतर 15 दिवस विश्रांती घेतल्यानंतर 11 जुलै रोजी जगन्नाथ आपले डोळे उघडतील. या दिवशी नेत्रोत्सवही साजरा केला जाईल. त्यानंतर 12 जुलै रोजी जगन्नाथ, बलदेव, सुभद्रा यांना रथावर विराजमान करून शोभायात्राही काढली जाईल.