Great idea; He became a millionaire by selling Nivdung fruit juice

हे फळ फायबर्सचा खजिना असून, त्यात जीवनसत्त्वे आणि इतर पौष्टिक घटकही मोठ्या प्रमाणावर असतात. संजय हातवानी या तरुणाने या काटेरी फळाची उपयुक्तता समजून घेतली आणि व्यवसायाची संधी हेरली. तो राजकोट ग्रामीण बँकेत काम करतो; पण त्याला शेतीत रस आहे. त्याला या फळाची उपयुक्तता कळली, तेव्हा त्याने या फळाचा रस बनवण्याचा उद्योग कुटुंबातल्या सदस्यांसह सुरू केला(Nivdung fruit juice).

    राजकोट : निसर्गात औषधी गुणधर्म असलेल्या वनस्पती बऱ्याच असतात. कोरफड, आवळा, कडुलिंब आदींचा वापर आपण करत असतो. पण अशी काही वनस्पतीही असतात की ज्यांच्या गुणधर्मांबद्दल फारशी माहिती नसते. निवडुंगाच्या कुळातील प्रिक्ली पिअर हे कॅक्टस त्यापैकीच एक. त्याला काटेरी नागफणी किंवा कॅक्टस फ्रूट असे म्हणतात.

    हे फळ फायबर्सचा खजिना असून, त्यात जीवनसत्त्वे आणि इतर पौष्टिक घटकही मोठ्या प्रमाणावर असतात. संजय हातवानी या तरुणाने या काटेरी फळाची उपयुक्तता समजून घेतली आणि व्यवसायाची संधी हेरली. तो राजकोट ग्रामीण बँकेत काम करतो; पण त्याला शेतीत रस आहे. त्याला या फळाची उपयुक्तता कळली, तेव्हा त्याने या फळाचा रस बनवण्याचा उद्योग कुटुंबातल्या सदस्यांसह सुरू केला(Nivdung fruit juice).

    संजयने सांगितले की, वीस वर्षांपूर्वी आमच्या गावाजवळच्या गुंडाळा या गावात हिमोग्लोबिनची कमतरता असलेल्या व्यक्तींना कॅक्टस फ्रूट सरबत दिले जायचे. काही वर्षांनी त्याने ‘गौ कृपा’ नावाने कारखाना सुरू केला. या कारखान्यात आयुर्वेदिक उत्पादने बनविली जात. मी या कारखान्यात कामाला होतो. तिथून काम शिकल्यानंतर मला हर्बल उत्पादनांचा व्यवसाय करावासा वाटला.

    सुरुवातीला मी आजूबाजूच्या गावात फिरून माझी हर्बल उत्पादने विकत होतो. 2012 मध्ये मला राजकोट ग्रामीण बँकेत नोकरी मिळाली. नोकरी मिळाल्यावर व्यवसाय करणे सोडून दिले, पण गेल्या वर्षी पुन्हा वडिलोपार्जित जमिनीवर हे काम सुरू केले. हर्बल उत्पादनांची विक्री करण्याचा परवानाही मी घेतला आहे. नोकरी सांभाळून मी हे काम करतो.
    बनवतो हर्बल उत्पादने

    गुजरातमधल्या राजकोट जिल्ह्यातल्या जसदान भागात बहुतांश नागरिक शेती करतात; पण गावात पिकणाऱ्या कॅक्टस फळाची माहिती अनेक शेतकऱ्यांना नव्हती. शेतात उगवणारे जंगली फळ म्हणून ते फेकून द्यायचे. संजयने नेमके तेच हेरले. मूळचा हिंगोलगढचा असलेल्या संजयला शेतीची आवड आहे. ‘अजय नेचर फार्म’ नावाने 2 हेक्टर जमिनीवर त्याची शेती आहे. तिथे तो गेल्या एका वर्षापासून 24 हून जास्त प्रकारची हर्बल उत्पादने बनवतो.